Karon nga upat nalang ka adlaw 2009 na, daghang mga Pinoy ilabina kadtong hilig sa mga Chinese feng shui ang atong makita sa mga stalls sa mga mall og mga tiangge nga namaligya og mtga good luck charms og uban pang matang sa mga pampa-suwerte matud pa, ang nag-iyahay na pagpakisayud kung unsay mamahimong kapalaran og unsay pampa-swerte ilabina sa natawo sa tuig atul sa year of the Ox og unsa pod ang mamahimong kapalaran sa uban nga natawo ilawom sa uban pang animal sign. Ang 2009 base sa Chinese Zodiac nalakip sa gitawag nga “year of the Ox”
Daghan ang mga lucky charms kuno nga gipang-display og atong mapalit aron makapanalipod sa malas, pampadugang matud pa sa enerhiya og swerte og labaw sa tanan ang mga bato nga gihimong mga pulseras og kwentas nga mo-attract matud pa og kuwarta. Apan bisan unsa pa ka nga animal sign natawo, seguradong kitang tanan ang makasinati sa mga hagit og epekto sa global financial crisis. Sayo pa sa Nobyembre ning tuiga, naningkamot na ang gobyerno aron makunhuran kundili man mapakgang ang dautang epekto sa ekonomikanhong krisis sa tibook kalibutan.
Kitang mga ordinaryong katawjhan , wala pa nasayod kung unsa kalawom ang mamahimong samad sa pinansyal nga sitwasyon sa atong panudlanan, pero seguradong nasayud ang atong gobyerno sa klarong mga epekto ilabina sa unemployment rate ingon man pipila ka porsiento ang mahimong usbaw sa bili sa mga palaliton sunod tuig. Kita nagtuo usab nga sayod na ang atong mga ekonomista sa nasud kung pilay kantidad sa budget nga atong gikinahanglan aron pabiling maglutaw ang atong ekonomiya. Dili nalang nato isaysay pa dinhi ang mga terminolohiya sa ekonomiya kay highly technical na kaayo ang mga panglantaw og mga data nga gipagawas sa Asian Development Bank (ADB), World Bank (WB) og Bangko Sentral ng Pilipinas (BSP).
Ang ato nalang niini nga kung sa una hugot bakus ta, karon nga ting-ulan atong gikinahanglan ang payong aron dili ta mabasa. Mao usab ni ang atong buhaton sa atong budget og kinitaan. Ang payong gamiton natong simbolo sa paggamit sa husto sa atong budget kay lisud gyud kaayo ang panahon karon og dili raba sayon mangita og kuwarta. Sama sa panahon sa ting-ulan ang kalisod sa ekonomiya makapakgang kanato sa pagpagusto og gasto sa atong kita. Ingon usab unta niini ang atong mga opisyal sa gobyerno maglantaw sa sitwasyon, pero hangtud karon daghan gihapon ta’g makit-an nga mga taga-gobyerno ang walay pakabana sa pagwaldas sa kuwarta nga dili man unta ila. Naay uban diha nga padayong gi-enjoy ang paggamit sa mga sakyanan sa gobyerno kon red plate nga “for official use only” lang unta pero nahimo nang “for official use also” ning mga bagang nawong natong mga taga-gobyerno. Naa tay makita nga naa sa mga beach ressort, hotel og uban pang mabugnaw’ng mga lugar panahon sa Sabado og Domingo nga dili man unta na ting opisina. Ambot kung makabasa ba kaha ni sila sa mga memorandum circulars mahitungod niining insaktong paggamit sa mga mga sakyanan nga iya sa gobyerno. Hinuon dili man tanan kay naa may uban diha nga naay trip ticket kon pagtugot alang gyud sa mga opisyal functions, pero kining uban gamiton lang pagpamalengke og uban pang personal nila nga mga lakaw.
