Ang interfaith rally kagahapon makapahinumdom sa kasaysayan sa People Power niadtong 1986 kundiin si kanhi Jaime Cardinal Sin maoy nagsilbeng motivational force nga maoy nakatawag sa atensyon sa bagang duot sa katawhang Filipino aron maghiusa sa EDSA og protektahan sila si Fidel Valdez Ramos og Juan Ponce Enrile batok sa puwersa sa militar nga loyal sa dektador nga si kanhi Pangulong Ferdinand Marcos. Kung atong mahinumduman nga ang desisyon sa nahisgutang duha ka tag-as opisyal nga pag-abandona sa ilang amo, maoy mikadlit sa katapusang hunat sa kasuko sa publiko gumikan sa assassination kang kanhi senador Ninoy Aquino niadtong 1983 resulta sa kahiusahan sa mga Filipino ilabina ang mga grupo nga dakong supak sa dektadoryang rehimen. Ang legasiya ni kanhi Cardinal Sin og sa tibook Filipino community sa pagpukan sa dektadorya pinaagi lamang sa panaghiusa sa tanang sektor sa katilingban sa usa ka malinawong rebulosyon, nagbilin og dili makumpara nga ksaysayan sa tibook kalibutan. Apan ang pangutana, naa bay epekto ang maong people power sa tagsa-tagsa nato ka kinabuhi sukad nahagba ang dektadorya pipila ka dekada na ang nakalay? Sa kalisud nga padayong nasinatian sa mga Filipino hangtud ning mga gutlo-a duna pa kahay makahinumdom sa gibug-aton sa legasiyang gibilin sa people power? Fast forward ta sa 2008 uban ang pangutana kung sa kasamtangan duna pa kahay present-day ninoy og Crdinal Sin? Sa pangutana kung naa pa ba ang nag-alintabo nga public anger, yes! ang dakong tubag, apan ang mga cast of characters nga misalida sa Interfaith rally kagahapon sa Makati nagkalain-lain kay dunay mga sinsero og atua usab ang mga kadudahan ang mga interes sa pagsinggit og pagsupak sa cha-cha. Tua usab didto ang mga religious leaders sa lain-laing kongregasyon, mga ingnon ta lang mga kanhi ahente sa mga kabuang sa mga anaa sa puwesto nga karon nahimo nang mga whistle blower og singer tunghod kay nikanta na sa mga anomaliya ng sila mismo ang nahimong tulay og most probably nabahinan sa mga kickbacks nga dili lang milyunes, binilyon pa!, tua usab ang mga matawag nga mga political have-beens, have-nots og mga wannabees. Tinuod nga anaa gihapon ang ilang kahiusahan, apan nagkadaiya ang mga interes nga gitaguan in the guise of political changes kunuhay. Sa kasamtangan nagkahiusa ang kinabag-ang Filipino ilawom sa usa ka singgit: kini mao ang pagpukan sa init nga mga tinguha sa mga kongresista sa pag-usab sa Constitution og ang gikahadlokang pag-extend sa termino sa mga incumbent officials sa gobyerno.Hinaut nga ang inter-faith assembly kagahapon mo-ani og positibong resulta dili lamang sa pulitika kundili sa kulturang Pilipinhon . Atong gipanghinaut nga ang very abuse term nga poeple power dili lamang mopadasig na hinuon sa mga anaa sa gahum aron ipa-asdang ang ilang tinguha alang sa tagsa-tagsa ka interest. Dili kalikayan nga mabahiran og pulitika ang nahisgutang inter-faith rally gumikan sa presensya sa mga dagkong pulitiko sa atong nasud.
