Isip kanhi hepe sa Philippine National Police (PNP), dako ang kabalaka ni Senador Panfilo “Ping” Lacson og wala niini gipadaplin ang posibilidad nga mahitabo sa Pilipinas ang terorismong nahitabo sa Mumbai, India kundiin daghang turista og sibilyan ang nakalas sa pag-atake sa financial capital sa nahisgutang nasud. Matud pa ni Lacson, tanang posibilidad, ang angayang tun-an og ikonsidera sa gobyerno pijnaagi sa kapulisan aron malikayan ang nahitabo sa Mumbai. Bisan gani ang Estdos Unidos, gitay-og og naputos sa terorismo taliwala nga sophisticated ang ilang mga kagamitan. Kini nagpamatuod lamang nga walay libre sa mga terorista bisna pa ang gamhanang nasud sa kalibutan. Ang India kanunay nang nakasinati og mga pagpangatake gikan s amga militanteng mialsa ilabina sa giilogan nilang teritoryo sa Kahmir region, apan kinsa ang magtuo nga mahitabo ang susama ka dako nga pagpangatake sa mga terorista sa financial capital sa maong nasud og dili lamang simpleng rebilyon gumikan kay mga langyaw ang gitarget sa mga terorista. Ang tanang nasud puwede nga mamahimong vulnerable sa terorismo sama sa nahitabo sa 9/11 bombing sa New York pipila ka tuig na ang nakalabay. Nunot sa maong hitabo, mas maayo nga kanunay gyud untang alerto ang atong kapulisan og ang uban pang law enforcement service sa nasud aron malikayan ang dinagkong atake sa mga terorista. Pero unsaon man ning atong mga otoridad nga bisan gani binilanggo maka-ikyas pa nga anaa na man unta sa ilang kustudiya. Gani, kung tinuod man ang bag-ohay lamang migawas nga kontrobersiya kabahin sa gihimong sindikatong pagpamaligya og armas sa PNP high ranking offficials sa kampo crame ngadto sa mga kaaway sa estado sama sa Abu Sayyaf, unsa may atong malauman sa seguridad sa mga kamot sa PNP? Tungod sa maong kontrobersiya, hinay-hinay nang nakonkreto ang akong pagtuo nga duna gyuy mga kahiwian og sindikato siha mismo sa han-ay sa mga kapulisan og militar hinungdan nga walay kasulbaran ang problema sa Abu Sayyaf, MILF og mga rebeldeng kumunistang NPA. Una nang gibulgar ni Trillanes og sa mga Junior officers kaniadto ang maong mga alegasyon. Nanghinaut lang ta nga sa dili madugay mabulgar ngadto sa publiko ang kamatuoran sa isyu. Sa kasamtangan dako ang kakulangon sa intelligence sa militar og kapulisan hinungdan nga adiser pa maulahi ang tanan, angayang hulipan na ang mga kakulangon sa personnel, kagamitan og uban pang panginahanglan sa armadong kusog.Karon nga budget deliberation sa Senado alang sa sunod tuig nga gahin sa nasud, atong tutokan ang pagbahin-bahin sa pondo ngadto sa tanang ahensya sa gobyerno dungan sa atong panghinaut nga tun-an og tukion sa mga senador ang tanang aspeto aron masegurong makaabot sa tumong ang igahin nga budget sa matag ahensya og dili lamang masayang og moadto sa bulsa sa mga buayang mga opisyal sa gobyerno..
