Sa derektibang gipagawas ni PNP Director General Jesus Verzosa niadtong Oktubre 30 nga gititulohan og "The Decentralization of the Public Information Office," Gimanduan niini ang mga opisyal sa PNP nga dili basta-basta buksan sa publiko ang mga inpormasyong unod sa mga police blotters.
Ambot og naunsa na ning utok ni Verzosa nga mura man siya og general manager sa usa ka pribadong kompanya sa iyang paminaw! Laliman ka anang iyan g did-an ang publiko ilabina ang media nga makakuha og balita gikan sa mga police blotters kung walay court order. Ang Blotter listahan sa mgha nahitabong krimin og mga reklamo nga gidangop sa publiko sa pinaka-duol nga buhatan sa kapulisan diin sila naghisakop.
Ang maolng derektiba ni Verzosa ang miani og nagkadaiyang batikos gikan mismo s mga magbabalaud sa senado og Kamara ilabina sa National media. Matud pa gani ni National Press Club president Benny Antiporda, dili angayang ihakog sa PNP ang blotter nga gikonsiderang public document hinungdan nga angayang libre og gawasnon kining malili sa media og katawhan bisan unsang orasa. Gani bisan si Commission on Human Rights chairperson Leila de Lima ang hugtanong misupak sa gipagawas nga derektiba ni Verzosa.
Ang maong lakang sa PNP usa ka violation of the "right to information" nga gigarantiya sa atong batakang balaud. Bisan ang depensa ni PNP spokesman Chief Superintendent Nicanor Bartolome nga matud niya, sayop ang interpretasyon sa nahisgutang memorandum circular gumikan kay dili matud pa tumong sa derektiba ni Verzosa ang pagpugong sa kagawasan sa publiko sa pagkuha og inpormasyon, dili igong rason aron dili bakwion sa PNP ang nahisgutang kamanduan.Gipasabot pa ni Bartolome nga buot lamang sa liderato sa kapulisan nga mamahimong "synchronize" ang inpormasyon sa blotter aron matud pa maampingan ang katungod sa mga bata og kababayen-an nga nalambigit sa bisan unsang krimien.
Ang mga kabalakang gipadayag sa tigpamaba sa PNP, mabaw kaayo nga rason gumikan kay ang media mismo nag-amping og dili magpataka pagbalita kung dili kumpleto og detalye ang gisulat sa blotter books. Nasayod ang media kung unsay angayang buhaton sa mga sensitibong kaso nga anaa sa blotter og sayud usab kita unsaon pagkuha og dugang detalye sa balita aron dili kini mamahimong one-sided. Kung duna may malapas nga mga code of ethics sa media, dili ni problema ni Verzosa gumikan kay naay mga hinungtungdang mg ahensya nga didto angayang manubag ang mga taga-media sma sa Korte kung duna may mga libelous og makahatag og hulga sa nasudnong interes nga gituki sa media gikan sa blotter.
Kini si Verzosa , mura ba og naningkamot nga mohimo og scenario aron tingale ma-divert ang atensyon sa publiko sa mga kabulastugan nga ilang gipangbuhat sma sa gilambigitang eskandalo karon sa PNP human nasakpan si kanhi PNP comptroller De La Paz. Imbes nga ang media ang diskitahan ni Verzosa mas maayong unahon niini paghinlo ang ngit-ngit pas alkitran nga binuhatan sa iyang organisasyon.
