Angayang paminawon sa mga kongresista ang apela sa Catholic Bishops’ Conference of the Philippines (CBCP) nga ihunong na ang mga lakang aron amendahan ang Batakang Balaud adiser ang 2010 presidential elections. Hatagan unta og konsiderasyon sa mga magbabalaud nga nanghingusog sa Charter Change, ang posisyon sa simbahan pinaagi sa gipagawas nga mga pamahayag sa CBCP. Dili unta kini ibalewala sa mga pulitiko gamit ang isyu sa Separation of church and state .
Gawas sa pipila ka kongresista og CBCP nga supak sa Charter Change ubay-ubay sa mga Filipino ang dako usab nga supak niini partikular na sa paagi nga Constituent assembly. (Con-Ass).Una niini, gibutyag ni CBCP president og Jaro, Iloilo Archbishop Angel Lagdameo nga katungod sa mga Filipino nga mopili og bag-ong mga lider sa nasud sa 2010. Apan taliwala sa maong mga pagpadayag og pagsupak,plano sa House Committee on constitutional amendments nga dunggon ang mga natanggong nga mga sugyot balaudnon kalabot sa cha-cha karong Enero 2009.
Lakip sa mga cha-cha bill nga nakasalang sa komitiba mao ang House Resolution (HR) no. 37 nga giduso ni Speaker Prospero Nograles Jr. nga gipirmahan sa 163 ka mga kongresista. Tumong sa maong resulosyon nga amendahan ang mga economic provision sa konstitusyon partikular ang pagtugot sa mga langyaw nga manag-iya og yuta sa Pilipinas. Gawas sa maong proposed resolution, sukwahi usab ang gipangamahanan nga resolusyon ni Camarines Sur Representantive Luis Villafuerte nga nagpatawag og Con-ass nga pirmado usab sa 167 ka mga kongresista.
Ang giduso nga resolusyon ni Nograles maayo ang tumong gumikan kay dili sab maayo nga ma-abusohan ang pagpanag-iya og kayutaan sa mga langyaw dinhi sa Pilipinas nga maoy reyalidad sa kasamtangan gumikan sa mga lope holes sa atong batakang balaud nga angayan nang usbon. Apan ang dautan man god niini mao ang dili kalikayan nga malisya sa aksyon gumikan kay nagsingabot ang eleksyon. Dili kalikayan nga daghan ang magduda nga isingit ang pag-usab sa porbisyon sa konstitusyon nga mopalugway sa termino sa kasamtangang mga naglingkod nga opisyales sa gobyerno.
Sa pikas bahin, alang sa mga mibatikos og dakong supak sa caherter change pinaagi sa Con-ass, dili sila magmalampuson sa ilang kawsa kung kutob lang ta ani sa yawyaw. Mas maayo seguro nga mosubay ta sa proseso gumikan kay gigamhan man ta sa nagkadaiyang proseso nga angayang sundon isip demokratikanhong nasud. Naa may mga committee hearing sa kongreso. Dinhi mahimong ipalanog sa mga supak sa cha-cha ang ilang mga concerns.Ning panahon sa kapaskuhan angayang mopatigbabaw unta sa tanan ang pagsinabtanay og pagpadaplin sa mga hidden agenda sa mga pulitiko.
