Dili maayo nga ehimplo ang pagsuspenso sa mga telecommunication companies sa mga promo sama sa unlimited text og voice calls sa panahon pa gyud sa Pasko og Bag-ong tuig ngha gi-aprubahan usab sa National Telecommunication Commission (NTC). Kasamtangan atong ma-enjoy ang libreng tawag og unlimited texting matag alas 11:00 sa gabii hangtud sayo sa buntag.Human gitugtyan sa NTC ang mga service providers, suspendido ang unlimited night calls sa Globe Telecom Inc. og Touch mobile nga magsugod alas 11 sa gabii sa Disyembre 23 hangtud alas 6;00 sa buntag sa Disyembre 25 og subli kining ipatuman sa Disyembre 30 sa susamang oras hangtud sa Enero 1, 2009.Samtang ihunong usab sa Smart Communication ang ilang susama nga promo sugod Disyembre 23.Kanselado usab ang Smart All text combo nga dunau unlimited night calling promo sa Disyembre 23, 24, 25,30, 31 og Enero 1, 2009.
Pinaagi sa mobile technology, ang kaniadto nga imposible nahimo nang posible . Kung kaniadto lisud ang pakig-communicate sa atong mga mahal sa kinabuhi ilabina kung tua sila sa lagyaong dapit sama sa abroad. Tungod sa ka-moderno na sa panahon, bisan kinsa magpasalamt gyud sa mobile technology tungod kay just 11 numbers away presto! imo nang ikasulti, makita og ika-text ang imong mahal sa kinabuhi.
Ang pasko panahon sa paghinatagay og pagtimbaya sa mga higala og mga mahal sa kinabuhi.Pinaagi sa libre nga voice call og unlimited text promo sa mga telecommunication companies, dako kining tabang ilabina nga lisud karon ang panahon. Angayan tang malipay tungod niini nga sulod na sa pipila ka tuig nga naandan sukad na-uso ning text messaging. Apan ang kalit nga pagwagtang sa promo, makaingon ta nga nagdinalo naman hinuon ning mga kompanyaha imbes nga pasko. Kung pasko angayan unta nga ipatigbabaw ang espiritu sa paghinatagay og pagminahalay, apan ang gipakitang lakang sa mga kompanya sukwahi og layo ra kaayo sa diwa sa Pasko.
Tungod usab sa pag-uyon sa NTC sa hangyo sa mga service providers dako ang posibilidad nga mamahimo na kining sumbanan aron suspindihon usab ang susamang mga promo matag higayon nga dunay mga importanteng okasyon sama sa Valentines Day og uban pang okasyon nga maoy panahon unta aron atong mapahugot pa ang relasyon sa matag usa kanato bisan pinaagi man lang sa text og libreng tawag.
Grabe na man unta ang kabig sa mga mobile service providers, gani kung buot huna-hunaon, alkanse ta kanunay sa mga kompanya sa load nga mahal kaayo unya kawatan pa usahay. Panahon sa pasko og bag-ong tuig lang unta nga mahimong makabawi ang 65-million ka mga mobile phone subscribers sa Pilipinas pinaagi sa pag-greet sa mga minahal sa kinabuhi gamit ang libreng unlimited text og libre nga voice calls unya ila pang ihakog? Nia poy NTC nga murag mga tanga! ni-uyon lang sab dayon og murag mga uto-uto nga daling mituo sa simpleng palusot sa mga mobile phone service providers nga "system abuse". Nahadlok lugar sila nga ma-abuso ang ilang sestema? Sa ka-mopderno na sa teknolohiya, mabalaka sila sa system abuse? sus maryusip! kung mao lang na ang ilang problema di ilang -irregulate dili kay wagtangon na hinuon! murag dili mga tawo.
