Wala pay first round knockout gilayon ang gipasiatab sa kasamtangang administrasyon nga resumption sa peace talks tali sa Moro Islamic Liberation Front (MILF) tulo ka adlaw sa dili pa kuno ang Pasko. Kini human giklaro sa artikulong gi-post sa MIL:F sa ilang website kundiin giklaro sa liderato sa mga rebeldeng Muslim nga walay mahitqabong resumption. Ning milabay’ng adlaw sa www.luwaran.net ang official website sa MILF, gibutyag ni MILF Deputy spokesman Khaled Musa ang gipahibalo sa kagamhanan nga subling pagbukas sa hinabging pangkalinaw karong Desyembre 22, usa ka “hollow og repeated” nga pahibalo og kabahin lamang sa propaganda gimmicks sa gobyernong Arroyo. Ganim gidugang pa ni Musa nga usa lamang kini ka “empty talks” dungan sa pangutana kung unsa ang agenda sa meeting kun duna man? Ning milabay’ng semana gitudlo sa palasyo si foreign affairs undersecretary Rafael Seguis isip government panel chief negotiator, apan gikataw-an lamang kini sa MILF. Kung ang Malakanyang ang pasultihon, daw segurado na sila sa sabot-sabot, apan unsaon man pagsugod sa laing hugna sa hinabing pangkalinaw nga natapos na man ang tour of duty sa Malaysian representative sa International Monitoring Team nga maoy magsilbeng mediator sa peace talks. Ang lain pang punto nga angayang tan-awon mao ang mamahimong sentro sa hisgutanan gumikan kay alang sa MILF “Done deal” na ang MOA-AD samtang sa panig sa gobyerno unconstitutional ang maong ancestral domain claim nga gipalig-on sa ruling s Korte Suprema. Kining maong mga punto pa lang, daw imposible na ang subling pagbukas sa peace talks tungod kay parehong lig-on ang gibarugan nga mga katarungan sa matag panig. Ang laing setback karon sa gobyerno mao ang pagklaro sa Malaysian vice foreign minister nga usa ka “dead issue” ang claim sa Pilipinas sa Sabah. Dinhi nga bahin atong makita nga dunay kasakit ang Malaysia sa nahimong sangputanan sa MOA-AD nga didto unta paga-pirmahan sa Kuala Lumpur, Malaysia niadtong Agosto pinaagi sa pag-facilitate sa Malaysian Government. Tungod sa pagdali sa gobyerno aron subling mabuksan ang peace talks, mipahibalo na usab kagahapon ang Palasyo nga ang Qatar na usab ang usa sa mamahimong mediator sa peace talks. Kining maong development mipasanot lamang sa tensyon og lain na usab kining sayop nga lakang kun dili hingpit nga walay kapuslanan nga paningkamot aron makab-ot ang malungtarong kalinaw sa Mindanao.
