Gipakita lamang sa Communist Party of the Philippines-New People’s army-
National Democratic Front (CPP-NPA-NDF) ang tinuod nilang kolor. kini humna ilang gibasura ang gilatag sa gobyerno nga talking points sa gikatakdang hinabing pangkalinaw sa Oslo,Norway karong Nobyembre 27.Si National Security Adviser Norberto Gonzales sa iyang bahin, nagbutyag nga wala siyay nakitang dautan sa mga agenda og tumong lamang matud pa sa gobyerno nga mapadali ang peace agreement.Samtang sa panig usab ni Peace Adviser Hermogenes Esperon, miapela kini ngadto sa CPP-NDF nga ikonsidera ang ilang posisyon sa sugyot sa GRP panel nga mga punto nga angayang sukaranan sa subling pagbukas sa kasabutang pangkalinaw.Matud pa ni Esperon , nga naglaum pa gihapon sila nga mausab pa gihapon ang baruganan sa NDF sa isyu og mamahimong bukas alang sa gitakdang tukion atul sa informal talks.
Mahinumduman nga una nang gibasura sa CPP-NDF ang proposal sa GRP Panel ang mahitungod sa disarmament ingon man ang demanda nga ihunong na sa mga kumunistang rebelde ang ilang mga pagpangolekt og revolutionary tax ngadto sa mga negosyante sa mga probensya, ingon man ang ilang pagpanabotahe sa pipila ka mining firms.
Dakong supak ang pamunuan sa mga kumunistang rebelde sa gi-adaptar nga sestema sa gobyerno diha sa pagpakighinabi sa mga giilang kaaway sa estado. Sulod na sa upat ka tuig nalangan ang pormal nga peace talks tali sa GRP panel og NDF negotiating panel human kini nahugno diha nga mismo ang rebulosyunaryong kalihukan ang mibiya sa negotiating table diha nga nalakip na sila sa international nga listahan isip usa ka teroristang grupo og wala gisanong sa gobyerno sa Pilipinas ang ilang demanda nga tabangan sila nga mapapas sa nahisgutang listahan.
Sa atong nakita, kung mao ni ang hugot nga barugan sa mga rebelding kumunista, wlay kapaingnan ang tinguha nga kalinaw tali kanila. Dili man mahimo nga ang gobyerno ang moluhod kanila. Sila mismo ang nagbutang sa ilang kaugalingon sa dili maayong sitwasyon gumikan kay samtang sila nakigbisog matud pa alang sa interes sa kinabag-ng kabus nga mga Pilipino, sukwahi usab ang gipatuman nilang mga kalihukan kundiin dghang mga sebilyan og ilang gihasi, derekta man o dili. Ang walay puas nilang pagpamatay sa mga non-combatants nga dakong supak sa mga international nga mga kasabutan nga mismong ang CPP usa sa mga mipirma sa pag-uyon sa mga giya og patakaran diha sa giyera.
Sama sa ato nang gibalik-balik pagklaro bisan sa mga experto sa kalinaw, wala gyuy modaug sa giyera sa bisan asa nga aspeto niini gumikan kay kitang tanan maoy pilde. Wala gyu’y laing sulosyon sa kagubot gawas sa panagsabot og parehong pagbukas sa pultahan sa mga oportunidad alang sa paghari sa kalinaw alang sa kalambuan sa tanan.
