Karon nga ika-lima ang Pilipinas sa listahan sa pinakadaghang gigutom sa mga nasud sa tibook kalibutan base sa resulta sa gipahigayong survey sa Gallup International-Voice of People 2008, wala na gyu’y angayang ipanghambog ang gobyerno ni pangulong Arroyo.Ang resulta sa survey sukiwahi usab sa ginapasiatab sa Department of Trade and Industry (DTI) nga matud pa dakong porsiento ang pagkunhod sa presyo sa mga nag-unang panginahanglan ilabina sa pagkaon sama sa gulay, karne, isda og bugas.Ambot nganong makaingon man ang taga-DTI nga nibarato ang presyo sa mga nag-unang palaliton? seguro barato alang kanila ang tag-kapin 30-ang kilo sa bugas!
Kung tinuod nga mikonhud ang presyo sa pagkaon, dili unta malinya ang Pilipinas sa mga nasud nga gigutom.Tin-aw usab kining indikasyon nga dili maayo og dili haum ang mga gipatumang economic policies sa kagamhanan hinungdan nga walay kasulbaran ang problema sa kapubrihon bisan unsa pa ka dako ang gigahin nga pondo sa gobyerno.
Tungod sa survey sa Gallup International, tin-aw og tataw kaayo nga angayan na gyud nga molihok ang gobyerno og angayan nga isipon nga wake up call ang survey result. Kay lain raba ning batasan sa mga Pinoy, ilabina na ning atong mga opisyales sa gobyerno, imbes nga himoong hagit sa ilang serbisyo ang mga negatibong feedback, ila na hinuong sawayon og ipanghimakak og mangita gyud og lusot bisan pisat!. Mas maayo nga himoon na lamang nilang inspirasyon paingon sa kabag-ohan ang resulta sa survey aron makurhian og makaplastar og angayan og haum nga solusyon sa problema aron pag-abot sa panahon ang Pilipinas mapapas gikan sa listahan sa mga nasud kundiin dunay hilabihan kadaghan ang gipanggutom og nangapasmo.
Sama sa kanunay na natong ginasysay dinhi, hangtud dili mawala sa pangutok sa matag pulitiko ang kahalog og personal interes lamang, magpabiling uyayod ang nasud Pilipinas. Kung unsaon? kitang mga botante gyud ang mas dunay dakong papel pag-usab sa dagan sa atong kaugmaon pinaagi sa minaru nga pagpili sa atong mga opisyal, kay kung sa barko pa! sila ang kapitan og timonil nga gitahasan pagdala nga hapsay og luwas sa gisakyan natong barko ngadto sa iyang destinasyon. Unsaon nalang kung nagbolakbol og walay pagpakabana ang nagdala sa renda!, seguradong malunod gyud kitang tanan og mangalumos sa kalisdanan.
Kung tinuod nga mikonhud ang presyo sa pagkaon, dili unta malinya ang Pilipinas sa mga nasud nga gigutom.Tin-aw usab kining indikasyon nga dili maayo og dili haum ang mga gipatumang economic policies sa kagamhanan hinungdan nga walay kasulbaran ang problema sa kapubrihon bisan unsa pa ka dako ang gigahin nga pondo sa gobyerno.
Tungod sa survey sa Gallup International, tin-aw og tataw kaayo nga angayan na gyud nga molihok ang gobyerno og angayan nga isipon nga wake up call ang survey result. Kay lain raba ning batasan sa mga Pinoy, ilabina na ning atong mga opisyales sa gobyerno, imbes nga himoong hagit sa ilang serbisyo ang mga negatibong feedback, ila na hinuong sawayon og ipanghimakak og mangita gyud og lusot bisan pisat!. Mas maayo nga himoon na lamang nilang inspirasyon paingon sa kabag-ohan ang resulta sa survey aron makurhian og makaplastar og angayan og haum nga solusyon sa problema aron pag-abot sa panahon ang Pilipinas mapapas gikan sa listahan sa mga nasud kundiin dunay hilabihan kadaghan ang gipanggutom og nangapasmo.
Sama sa kanunay na natong ginasysay dinhi, hangtud dili mawala sa pangutok sa matag pulitiko ang kahalog og personal interes lamang, magpabiling uyayod ang nasud Pilipinas. Kung unsaon? kitang mga botante gyud ang mas dunay dakong papel pag-usab sa dagan sa atong kaugmaon pinaagi sa minaru nga pagpili sa atong mga opisyal, kay kung sa barko pa! sila ang kapitan og timonil nga gitahasan pagdala nga hapsay og luwas sa gisakyan natong barko ngadto sa iyang destinasyon. Unsaon nalang kung nagbolakbol og walay pagpakabana ang nagdala sa renda!, seguradong malunod gyud kitang tanan og mangalumos sa kalisdanan.
