Eto na me!Gustong gusto kong magsulat kahit mali-mali ang aking spelling at grammar,yon kasi ako...mas nababasa ang pagkatao ko tuwing ginagamit ko ang aking kamay.Maging sa pagguhit man, na eekspres ko ang aking sarili at kung ano pa ang nakatago sa pagkatao ko.I make poetry as well,just to express kong ano man ang nararamdaman ko.
I greatly believe na walang limitasyon ang aking isipan,at habang may pwedeng isipin."Get it!"My life is full and been filled with art and perspective. "i wasn’t lucky!i diserve it!.."Sa lahat ng bagay masasabi kong hindi ako naging swerte kailan man,sapagkat nararapat lang na maging ganito ang buhay ko,dahil pinaghirapan ko to kasama ang aking pawis na malagkit at ..un lang!hindi kasama ang dugo,kasi nga naman aneMc na me!!!mag donate na nga lang kau ng dugo.Hindi simple ang buhay ko.Kunti lang siguro ang may alam ng ganun kaya konti lang din ang nakakaintindi sa akin..."para pala akong bata kong ganun"...newayz thats not what i mean.Heto ang konting AKO sa Blog na ito. "Introduction lang pala iyon!dalawang estansa pa"ala eh.!
Im a melancholeric-i’ve got {50%melancholy 47% choleric 3% sanguine(yaong pagiging talkative at funny lang naman)}and take note wala man lang ka plegmaplegma!!! "walang patawad 2,mashadong harshhhhz!"Gusto kong gawin at ipagpilitan kong ano sa tingin ko ang tama.Hindi ako tipong nanahimik nalang sa isang tabi.Nanahimik lang ako kapag nagmamatyag at nagiging pasensyoso kong kinakailangan.Palaban akong tao at hindi sumusuko... "birahahe Bay! ay dong diay...ay nong...ay lo!"Madali at kapansin-pansin para sa akin ang bawat galaw ng tao o bagay sa aking paligid...ligid tuyok paspas!!!in short himantayon...joke lang...kaw pud tinud-on man daun...joke lang ba!!!hoy!!!.Halimbawa example...kompleto man gyud...ana gud na, "i want to be complete".Sample na nga.[Pumipila ako sa may cashier ng pagkahaba-haba haba haba pa gyud hangang sa dulo ng walang hanggan,para mag bayad ng tuition kahit wala naman talaga akong pambayad,ng...sadihang...dotdotdot...take note. "ng"may isang onggoy na biglang suminggit sa parehong linya na pinipilahan ko.Sasagi agad sa isip ko,eh kong tirisin ko kaya ang kumag na ito,tapos lutuin o di kayay ipakain ko sa alaga kong godzila..hmmmmm....xyempre naman idiomatic lang yon,eh kaliit-liit ko ngang tao.Speaking-pekeng of maliit...maliit nga ako,alang duds.,.,toink.Pero kung ganu kaliit ang anyo ko malaki naman ang aking...este...kalaki nang aking pagkatao...este buong pagkatao!!!ano ba to.,bato pek.Malawak ang aking pag-iisip in the other sense,kung baga,"baga grabeh ka init"ramdam na ramdam ko na kakaiba talaga ako kaysa sa ordinaryong mamayan "abnormal?" naku di ganun ibig ko sabihin.Paminsan-minsan di lang talaga naiintindihan ng ordinaryo(simpleng tao)buhay ko.Phycologist lang ata ang marunong umintindi nun.Di naman mataas ang IQ ko,infact i have this IQ of 107 and averageof 90-110.Ano ba talaga ang rating na yon?Basta nakuha ko lang yun noong nagsasample test ako ng IQ sa computer.Nakakaluka bayot!!!...expersyon lang yun xemperd...!!!lalaki ako 100% at babae ang gusto ko!ung sexy ha!!!may pahabal este pahabol pa oh!!!manyak talaga...no!...maginoo ako medyo bastos lang...medyo lang naman!!!1 % lang gud!!!daw!ingon nila,Im also small,light,and.....and...gwapo pa din,,,hehehe padin...i love my own.
Kapag may nagkasala sa akin gustong gusto ko talaga balikan at turuan ng leksyon ang taong gumawa ng karumaldumal sa aking paanan, "murag SOCO"pero in the other hand alam ko namang "love your enemy as you love your self",kaya nga gusto ko silang turuan dahil ayaw ko silang magkamali.Parang teacher kong baga!. "mulusot gyud"sya nga naman.Marunong naman akong magpatawad,yon nga lang, it takes century tuna,decade bago pa yon.Meron namang years lang,...lang lang pa!diehert!.
Isa pa sa pagkatao ko,"Im an Artist"at masaya ako para sa sarili ko!...IKAW?,masaya ka ba sa sarili mo?...kong ano ka?...sa takbo ng buhay mo?...magiging masaya ka kaya sa mga darating pang panahon kahit maghirap ka?nasa sau ang sagot!.....tubag!...bungi ka ron...joke lang!
ART nakakabingi mang pakinggan sa ilan ang salitang iyan,well for me,hindi kelan man akong magsasawang pakinggan at ipabalikbalik ang word art,art,art,art even a million times,kasi dyan ako binuhay,nabuhay at namuhay narin.Sabi ko nga, my life has been filled with colors and perspective kaya gusto kong i-share kong ano man ang kaya at pwede ko lang i-share sa iba.Ginawa ako ng Panginoon upang mag dag-dag kulay sa iba o sa ilan,though lot of times na may na offend ako.Im sory straightway,kong di parin ako mapatawad,bahala ka oy!!!pintalan taka ron.’’’’Kaastig ba aning batabatuta!’’’’
Sana may naibahagi akong kahindikhindik sa buhay nyo,salamat sa pagbigay panahon sa pagbasa sa nakakawindang na blog na ito,sa lahat ng sponsors,at walang sawang sumusuporta sa akin,sa mga fansssss ko,for my dress,my outfit,my make up at pati sa buhok ko,walang hiya kau!anong ginawa nyo.Ginawa nyo manananggal yan,kulamin ko kaya kayo...siya nga pala,umuwi kana oy!!!lagi kalang sa internet,ung mga anak mo pakainin mo na!Tsaka yaong baboy mo ang ingay na,rinig ko hangang dito....ewkkkkk...oink....oink.....eweeekkkk...soprano pala yan ang taas at tinis ng boses...nag voice lesson ba yan?kulitttttt.....
allrights reserved para panihapon
Kanser sa katilingban naa pa kaha’y paglaum?
Bisan og pito na ka adlaw nga na-confine si kanhi Agriculture Undersecretary Jocelyn "Jocjoc" Bolante,mohirit gihapon ang doktor niini nga matud pa kinahanglang ipailawom pa sa lain pang check up ang iyang pasyente nga hangtud karon nagpabilin pa sa St. Luke’s Medical Center aron kuno masegurong luwas kini sa binsa unsa mang balatian. Hinuon, katungod sa matag usa kanato nga segurohong maayo ang kahimtang og madapatan gyud og tambal ang gihambin nga balatian.
Pero alang sa kadaghanang Pinoy dili kini lihitimong rason aron pahulaton ni Jojoc Bolante ang publiko sa iyang pagyagyag sa kamatuoran luyo sa multi-milyones nga eskandalo sa abono gumikan sa nasinatian niining sakit. Kung duna may gibating sakit si Jocjoc, mas grabeng sakit ang nasinatian sa mga Filipino nga hatud sa kadako sa anomalosong abono niadtong 2004.
Alang sa mga Pinoy, walay laing tambal nga makahupay sa sakit nga gihambin sa katawhan og ni Jojoc Bolante, gawas sa kasayuran kung kinsa ang mga kakonsabo niini sa multi-million nga fertilizer fund scam aron mapasakaan og kaso og mapapanubag sa gihimo nilang kahiwian. Sa higayon man gud nga mabutyag ang kamatuoran sa nahisgutang kontrobersiya, maalim sa natural nga paagi o kaha makuhaan ang sakit nga gibati sa katawhan nga epekto sa fertilizer scam og daghan pang kahiwian sa gobyernong Arroyo.
Atong gipanghinaut nga dili mahulog sa wala ang sobling pag-imbestiga sa Senado kang Bolante karong Lunes ining ka human sa 7-days nga pagpatala sa mga mantalaan sa Rules of procedures Govrning Inquiries in aid of legislation nga gisugdan niadtong Oktubre 31. Pinasubay kini sa Administrative code. Hinuon gipasalig na ni Senate Blue Ribbon committee chairman Alan Peter Cayetano nga subling buksan ang kaso ni Bolante ilabina nga nalambigit usab ang kanhi opisyal sa lain pang kontrobersyal nga Swine scam nga minilyon usab ang involve nga kuwarta gikan sa panudlanan sa kagamhanan. Desisyonan pa sa mga senador kung unsa nga aspeto sa kaso ni Bolante ang puwedeng tukion sa caucus adiser buksan ang sesyon karong Lunes, Nobyembre 10.
Mahinumduman nga sa committee report ni kanhi senador Ramon Magsaysay Jr. kalabot sa nahisgutang eskandalo, giklaro niini nga dili pa irado ang imbestigasyon.
Koneksyon sa pulitika og ekonomiya sa Amerika sa Pilipinas
Tulo sa matag upat ka Pilipino ang wala matud pay pakialam kung si kinsa man ang magmadaugon tali nila ni Democrat Barack Obama og Republican John McCain sa US presidential election karong adlawa. Base kini sa survey sa Social Weather Station (SWS) kundiin migawas nga 76-ka porsiento sa mga respondents ang dili intresado sa engkwentro sa pulitka tali sa duha. Hinuon llamado si Obama sa mga respondents nga natgtuong makaapekto sa Pilipinas ang resulta sa eleksyon sa Amerika.
Kung buot huna-hunaon, walay labot ang kinabuhi sa mga Pinoy sa eleksyon sa Estados Unidos og kinsa man ang mogawas nga mananaug sa ilang piliay, apan dili nato ikalimod nga bisan ang tibook kalibutan ang dunay koneksyon sa mamahimong dagan sa Pulitikanhon og ekonomikanhong lihok sa Amerika. Kini gumikan kay ang Amerika ang giilang super power sa kalibutan sa halos tanang aspeto.
Ang mga palisiyang hingusgan ni bisan kinsang modaug nga presidente sa Amerika dunay dakong epekto sa relasyon sa uban pang ekonomiya sa lain-laing bahin sa kalibutan. kini maoy hinungdan nga matag eleksyon sa Estados Unidos, ang tibook kalibutan ang nakatutok sa datgan og mamahimong resulta. Sa kasamtangan, sa Asya, dakong pabor ang kadaghanan kang senador Barack Obama kinsa nagdako sa Hawaii nga dunay daghang mga Asyano lakip na ang mga Pilipino. Kini gumikan kay nasayud si Obama sa sitwasyon og kultura sa mga taga Asya samtang alang sa mga ekonomista, dakong pabor kung si John McCain ang makalusot gumikan kay bukas kini sa mga migrante laik9p na ang outsourcing nga makahatag og kaayuhan sa mgam migrants.
Pero sa kasaysayan , wala pa sukad naapektuhan ang relasyon sa Amerika og Pilipinas bisan kinsa man ang nagmadaugong presidente . Pero mao lage, mas maayo unta nga ang dili kaayo ilitista maoy molingkud sa White house sa ingon mas makakuha pa og kaayuhan ilabina ang mga Pilipino sa bisan unsa mang palisiyang pang-ekonomiya nga hatagan unya niini og dakong importansya. Bisan unsaon, ang Amerika ang pinaka-dakong kaabag sa natad sa negosyo sa mga ekonomiya sama sa Pilipinas. Kung maapektuhan man ang dagan sa ilang ekonomiya, usa sa derektang maapektuhan usab ang mga Pinoy sama sa gikabalak-ang epekto sa financial crunch sa Amerika ngadto sa mga OFW’s nga gikabalak-ang mawad-an og trabaho og panginabuhi sa Amerika.
Kung buot huna-hunaon, walay labot ang kinabuhi sa mga Pinoy sa eleksyon sa Estados Unidos og kinsa man ang mogawas nga mananaug sa ilang piliay, apan dili nato ikalimod nga bisan ang tibook kalibutan ang dunay koneksyon sa mamahimong dagan sa Pulitikanhon og ekonomikanhong lihok sa Amerika. Kini gumikan kay ang Amerika ang giilang super power sa kalibutan sa halos tanang aspeto.
Ang mga palisiyang hingusgan ni bisan kinsang modaug nga presidente sa Amerika dunay dakong epekto sa relasyon sa uban pang ekonomiya sa lain-laing bahin sa kalibutan. kini maoy hinungdan nga matag eleksyon sa Estados Unidos, ang tibook kalibutan ang nakatutok sa datgan og mamahimong resulta. Sa kasamtangan, sa Asya, dakong pabor ang kadaghanan kang senador Barack Obama kinsa nagdako sa Hawaii nga dunay daghang mga Asyano lakip na ang mga Pilipino. Kini gumikan kay nasayud si Obama sa sitwasyon og kultura sa mga taga Asya samtang alang sa mga ekonomista, dakong pabor kung si John McCain ang makalusot gumikan kay bukas kini sa mga migrante laik9p na ang outsourcing nga makahatag og kaayuhan sa mgam migrants.
Pero sa kasaysayan , wala pa sukad naapektuhan ang relasyon sa Amerika og Pilipinas bisan kinsa man ang nagmadaugong presidente . Pero mao lage, mas maayo unta nga ang dili kaayo ilitista maoy molingkud sa White house sa ingon mas makakuha pa og kaayuhan ilabina ang mga Pilipino sa bisan unsa mang palisiyang pang-ekonomiya nga hatagan unya niini og dakong importansya. Bisan unsaon, ang Amerika ang pinaka-dakong kaabag sa natad sa negosyo sa mga ekonomiya sama sa Pilipinas. Kung maapektuhan man ang dagan sa ilang ekonomiya, usa sa derektang maapektuhan usab ang mga Pinoy sama sa gikabalak-ang epekto sa financial crunch sa Amerika ngadto sa mga OFW’s nga gikabalak-ang mawad-an og trabaho og panginabuhi sa Amerika.
Kapit-os dili babag paghandom sa mga minatay
Gideklara sa Philippine national Police (PNP) nga sa kinatibok-an nahimong malinawon ang pagsaulog sa Todos Los Santos og adlaw sa mga minatay sa tibook nasud. Matud pa ni PNP chief Director General Jesus Verzosa, nga iyang gibase ang deklarasyon sa taho nga iyang nadawat gikan sa mga regional offices sa nasudnong kapulisan. Gipasabot sa opisyal nga malinawon ang pagsaulog sa Adlaw sa mga patay gumikan sa operational readiness og plastadong napatuman ang security procedure og safety operations nga gihingusgan sa kagamhanan. Gawas sa pagdaut sa panahon sa pagkagabii samtang gisaulog ang Undas, bug-at nga dagan sa trapiko ilabina sa mga sementeryo og pipila ka aksidente sa mga sakyanan nga nasinatian, sa kinatibok-an nahimong malinawon ang kasaulogan. Dako gyud kaayo ang natabang sa liquor ban nga nakunhuran ang mga kagubot sa lain-laing bahin sa nasud matag higayon nga saulogonn ang Todos Los Santos og adlaw sa mga patay. Atong gidayeg ang kamatinud-anon sa atong mga otoridad lakip na sa mga ahensya sa kagamhanan sama sa LTO, PNP og DPWH nga hugtanong nakig-koordinar sa Oplan Kaluluwa sa kagamhanan. Hinuon dili kalikayan nga dunay mga otoridad nga badlungon gyud lakip na ang pipila ka mga miduaw usab sa mga sementeryonga ang uban nagdala og mga ilimnong makahubog sulod sa mga sementeryo. Bisan sa ka-moderno na sa atong panahon karon, duna pa gihapoy mga Pilipino nga nagsubay sa kinaraang paagi sa paghandom sa mga namatay na nilang mga minahal sa kinabuhi sa ilang pagduaw sa mga lubnganan. Kini mao ang paghalad og mga pagkaon, mainom, segarilyo og uban pa nga daw buhi ang ilang kabanay nga gidadlhan og pasalubong. Ang maong batasan, dili hinuon dautan gumikan kay kitang tanan managlahi og paagi sa pagpakita sa atong paghatag og importansya sa atong mga kabanay nga mitaliwan na sa laing kalibutan. Pero, kung atong ikumpara kaniadto, dili kaayo daghan ang nagbuntag sa mga sementeryo, gani daghan usab ang wala na nakabisita sa lubnganan sa ilang mga kabanay ilabina kadtong atua na sa lagyong mga lugar nga wala na lamang mipauli tungod sa kalisud na gyud sa panahon ilabina sa panalapi. Daghan ang nagpa-misa na lamang sa mga simbahan kondiin sila nahimutang og nagdagkot og kandila sa dakong Cross sa lugar duol sa ilang nahimutangan. Tungod kini sa mga praktikal nga mga rason. Ang importante nga ato pang gihinumdom ang atong mga mipanaw na nga mga minahal sa kinabuhi og mga kabanay.
Handomon ang patay; mahalon ang buhi!
Lahi gyud tang mga Pilipino. Wala gyu’y laing kaliwat ibabaw sa kalibutan nga pareho sa mga pinoy.Nabatasan na sa kadaghanan nga pagtapos pa lamang sa Septiyembre, daghan na ang mubisita sa lubong sa mga mahal sa kinabuhi aron mahinloan gikan sa baga nang sagbot og nikatay nga bagon sa kadena de amor tungod kay usa ka tuig nga wala nabisita. Ugma nang adlawa ang todos los santos nga sundan sa kalag-kalag kon All Saints and souls day. Dagsa na ang mga tawo sa mga sementeryo ilabina sa mga dagkong public cemetery. Ang maong talan-awon ang masaksihan sa tanang lubnganan sa tibook Pilipinas. Magdasok ang bagang duot sa katawhan nga halos magdinutdotay na aron lang makabisita sa ilang mga mahal sa kinabuhi nga mipahulay na sa dayon. Dili dautan nga handomon ang mga namatay na. Ang tinuod pa gani, maayo nga mahinumduman og mabisitahan ang lubong sa mga ginikanan, igsoon, anak og uban pa aron magsilbing pahinumdom sa tanan nga ang kinabuhi ning kalibutana temporaryo lamang og moabot ang adlaw nga ang tanan paingon gyud sa katapusang pahulayanan! Pero, angayan siguro, samtang buhi pa ang lolo, lola, amahan, inahan, mga igsoon, anak og uban pang kabanay, ipabati og ipakita na unta ang pagmahal og pagpakabana. Bisan og busy sa bisan unsang butang ang usa ka tawo, bisan panagsa, suroyan, bisitahon og pakig-estoryahan ang mga ginikanan og mga kabanay. Mintras buhi pa sila, mabati nila ang kainit sa pagmahal og paghatag og importansya sa pamilya. Ug sigurado, labina kung tigulang na ang mga ginikanan, sa ilang pag-inusara, ilang ginapangita ang mga anak nga duna nay kanya-kanyang kinabuhi, nga usahay makalimot na pagbisita og wala masayud nga ang kamingaw sa mga ginikanan, kasubo maoy ilang kauban. Kung patay na sila, bisan pila pa ka balde nga luha ang moagas sa mga mata sa usa ka tawo, wala na kini silbe. Bisan og pinaka-mahal nga bulak og pinaka-dako nga kandila ang dalhon sa lubnganan, wala na usab kini halos bili alang sa mga mitaliwan na. Matud pa, kini pakitang tao na lamang.Kung kaniadtong buhi pa ang mga ginikanan, kung gibisita man lang sila kanunay sa mga anak, siguro, madugtungan pa gamay ang ilang mga adlaw pagpabilin ibabaw sa kalibutan. Mao na nga, kung buhi pa ang inyong mga ginikanan( o mga lolo og lola) pahimuslan nato ang tanang higayon. Adtoan sila, gakson og hugot og ipabati nga mahal sila gumikan kay utang kanila ang kinabuhi sa mga anak. Importante kini kaayo alang sa mga ginikanan(ilabina kung mga tigulang na sila) kaysa sa daghang bulak og higanteng kandila nga idagkot sa mga lubnganan kung sila mawala na ning kalibutana.Dili man dautan nga handomon ang mga namatay na, apan mas importante nga ipabati ang pagmahal kung sila buhi pa.
People Power, dili sulbad sa krisis karon
Gihangyo sa mga negosyante ngadto nila ni Catholic Bishop Conference of the Philippines (CBCP) President Angel Lagdameo og Archbishop Oscar Cruz nga tin-awon pinaagi sa sulat ang gihimo nilang pamahayag kalabot sa panawagan nila nga bag-ong gobyerno. Kini human gipakigsulti-an kagahapon sa hapon ni PCCI Chairman Emeritus Donald Dee si Lagdameo aron pangayoon ang pagpasabot sa statement sa mga obispo. Alayon niini, gitin-aw usab matud pa ni Archbishop Lagdmeo nga wala sila nanawagan sa pagbag-o sa kasamtangang administrasyon o klaha nanawagan og people power.Matud pa sa obispo, ang buot nilang ipasabot mao ang pagpangandam alang sa umalabot nga eleksyon og kinahanglang tudloan ang mga tawo sa pagpili sa mga bag-ong opisyal.Kining taga simbahan unta ilabina ang mga obispo sa nasud, angayang dili magpagawas og mga provocative statements ilabina ning higayona nga nag-ong-ong ang financial effect sa Global financial crunch dili lamng s Pilipinas kundili sa uban pang nasud sa Asya. Krusyal man gud kaayo ang tingog sa simbahan sa mga kritikal issues og ang statement sa CBCP nga angayang bag-ohon na ang gobyerno, posibleng makaapekto sa ekonomiya sa Pilipinas.Dako ang atong pagtahud sa simbahan, apan ang bisan unsang kalihukan karon batok sa kasamtangang gobyerno “wrong timing” og dili gyud makaayo sa kinatibok-ang sitwasyon sa nasud sa ekonomikanhong aspeto .
Kita nanghinaut lamang nga ang statement nila Lagdameo og Cruz ning milabaya’ng adlaw dili maoy tingog sa kinatibok-ang simbahang katoliko sa nasud. Kini gumikan kay sila unta ang angayang motulay paghilot sa espirituhanon og moralidad sa katilingban taliwala sa kagubot ilabina dinhi sa Mindanao. Daghan nang problema ang atong nasud og hinaut nga motabang ang simbahang katoliko pagpalig-on sa kadasig sa mga Pilipino pagsuporta sa kaayuhan sa kinabag-an. Ang pagbahin-bahin sa kasamtangan maghatud lamang kanato sa pang-pang sa kaalautan. Ang isyu sa mga kahiwian sama sa isyu sa Fertilizer fund scam og sa “Moscow scandal” ang ato na lamang itugyan sa atong mga magbabalaud og hingtungdang mga ahensya sama sa Senado og Umbudsman. Dinhi nga aspeto kitang tanan ang angayang magmabinantayon sa pagligid sa proseso sa hustisya. Ang pag-alsa sa katawhan sama sa milabay’ng mga People power, ang halos dili na sakyan pa sa mga Filipino gumikan kay hangtud karon pabiling wala matuman ang mga kabag-ohang gisaad sa pakigbisog sa kadalanan.
Dela Paz sacrificial lamp ba?
Gimando na ni Philippine National Police Chief Jesus Verzosa ang pagpaska og kasong kriminal sa Office of the Ombudsman batok kang kanhi PNP Comptroller Eliseo Dela Paz og laing tulo pa ka opisyal may kalabutan sa matud pa dili otorisadong pagpagawas sa dul-an P7-Million nga balor sa cash advance. Gimando usab ni Verzosa ang pagpasaka og kasong administratibo batok kang Dela Paz nga mahinumdumang gi-hold sa Russia gumikan sa pagdala og wala gideklarang kantidad sa kuwarta.Matud ni Verzosa nga gihimo sa mga opisyal ang pag-release sa pondo nga walay igong pagtugot gikan sa iyang buhatan hinungdan nga kinahanglang manubag ang mga nalambigit sa eskandalo.Lakip sa mga gipakasuhan og malversation of public funds mao sila si Ret. PNP Comptroller Eliseo Dela Paz, Finance service Dir. S/Supt. Orlando Pestaño, S/Supt. Tomas Rentoy og Supt. Samuel Rodriguez. Dungan niini, gipadala na usab ni Verzosa ang kopya sa ilang rekomendasyon sa buhatan ni Senate Foreign Relations Vice Chairman Mar Roxas ingon man sa buhatan ni Ombudsman Merceditas Gutierez.Ang nahisgutang mga kaso ang ipasaka sa Criminal Investigation ang Detection Group.Gawas niini, gimando usab ni Verzosa sa pito ka heneral nga nibiyahe sa Russia nga ibalik ang kinatibok-ang P2.1 Million nga gihatag kanila alang sa nahisgutang biyahe. Kung kasohan man lang ang mga PNP officials nga gibansagang “Euro generals” , angayang papanubagon usab ang Malacañang gumikan kay basi sa pinaka-ulahing katarungan sa Philippine National Police nga gamiton ang nahisgutang kantidad sa kuwarta nga dala nila Dela Paz sa Russia aron ipamalit og mga intelligence equipments. Mao usab kini ang reaksyon sa ubang mga senador, gani giklaro ni senador Chiz Escudero, nga basi sa balaud dili mapagawas ang intelligence fund kung wala kini pag-aproba sa presidente gumikan kay ang pangulo ang disburse-in-chief sa mga intelligence fund. Kun ugaling padayong mobarog ang PNP nga ang dla nilang kuwarta nga P6.9-Million gamiton pagpalit og spy equipments, segurado na nga ang paper trail naa sa buhatan sa pangulo nga nag-apruba sa pagpalit sa nahisgutang mga ekipos. Nakalatid ang maong argumento sa Section 20 sa General Provisions sa General Appropriations Act for 2008 nagkantar nga walay balor sa kuwarta nga puwedeng ipagawas alang sa confidential og intelligence activities, gawas kung gi-aprubahan sa pangulo sa nasud. Gawas niini, adiser aprobahan ang pagpagawas sa intelligence fund gikinahanglang dunay klarong rason ang requesting agency og makuti pa kining tun-an adiser aprubahan. Basi sa 2008 national budget, moabot sa P1.360 billion ang gigahin nga pondo alang sa confidential og intelligence expenses alang sa 20-ka mga ahensya og ang Office of the President ang nag-una sa listahan nga dunay pinaka-dako nga intelligence fund nga miabot og P650-million og ang P500 -million ang gigahin alang sa Presidential Anti-Organized Crime Commission.Gisaundan kini sa Philippine National Police nga dunay P270 million, Department of National Defense nga dunay P151.6 million, kundiin moabot sa P119 million niini ang gigahin sa AFP General Headquarters og sa tulo ka major armed services. Niini nga sitwasyon , murag mahulog nga sacrificial lamp si Dela Paz gumikan kay human nagkabuang s ilang katarungan ang PNP leadership ingon man ang DILG, nia karon pakasuhan na ni Verzosa si Dela Paz wala pa niatubang sa senado aron unta matin-awan ang katawhan sa tinuod nga punto kung asa gikan ang kuwarta nga ilang gidala sa Russia. Samtang karong adlawa makabalik na s nasud ang giingong arkitikto sa P728_million nga Fertilizer fund scam. Atong tan-awon ang mamahimong papel sa senado niini nga isyu human nagpagawas og kamanduan si Senate president Manny Villar nga ipa-aresto si kanhi agriculture Usec. Jocelyn “Jojjoc Bolante.
Cover-up sa Euro Generals,nagka-grabe
Nagkagrabe na ang gihimong cover-up sa Philippine national Police (PNP) sa Euro Generals human buot ipatuo sa liderato sa nasudnong kapulisan nga ang P6.9 million nga dala ni retired Gen. Eliseo dela Paz ipalitay matud pa sa intelligence equipment. Kung si Bayan muna party-list Representative Teddy Casiño, kabahin usab sa cover-up ang gipangayo ni PNP Director General Jesus Verzosa og executive session sa imbestigasyon sa Senado sa Euro Generals.
Wala nagsilbe ang unang palusot sa PNP nga ang milyones pesos nga baon ni Dela Paz cash advance sa retiradong Heneral og contingency funds sa mga delegado sa PNP sa Interpol conference sa St. Petersburg, Russia. Tungod niini gusto napud nga pagawason sa PNP nga ang nahisgutang kantidad gahin aron ipalit og mga intelligence equipment.
Wala man gud motuo sa unang mga statement sa PNP og DILG mao nang nag-imbento na usab sila karon og laing pamahayag kay sa ilang pagtuo nga naay motuo.
Bugtong proseso lamang ang kayang ilaron sa PNP og dili ang mga Pilipino gumikan kay gihusgahan na sa publiko ang Euro generals gumikan sa nagkatibolaag nilang pangatarungan human naboking ang anomaliya. Nganong makaingon ta nga anomaloso? Halata ra man gud kaayo ang inconsistency sa ilang mga pagpasabot unya naglikay pa si Dela Paz aron ba dili siya magisa sa mga senador.
Ang kuyaw ani kung kalit na lamang ma-absuwelto si Dela Paz sa nahisgutang eskandalo gumikan kay imbes nga seryuso ang PNP leadership nga silotan ang opisyal gumikan sa pagkuha og kuwarta sa organisasyon nga walay pagtugot, mura na man hinoon og nagtinabangay sila paghinlo sa pangalan sa retiradong heneral.Mao usab kini ang gikabalak-an sa pipila ka mga magbabalaud sa kongreso.
Makaduda ang gipakitang aksyon sa DILG og PNP leadership sa kaso ni Dela Paz, murag ila gyung gipanalipdan ang heneral kay kung dili nila ni atimanon, basin og mokanta na hinuon ni og daghang madamay sa PNP og lakip na sa Malakanyang. Kung magduda ta sa ilang lihok, dili ta mabasol sa, PNP gumikan kay walay klaro ang ilang mga katarungan unya nagtago pa si Dela Paz. Seguro nagtuon pa sila og lig-ong rason nga hingpit gyud nga malutsan sa opisyal ang eskandalo nga wala lamang naghatag og kaulawon dinhi mismo sa nasud kundili sa tibook kalibutan.
Wala nagsilbe ang unang palusot sa PNP nga ang milyones pesos nga baon ni Dela Paz cash advance sa retiradong Heneral og contingency funds sa mga delegado sa PNP sa Interpol conference sa St. Petersburg, Russia. Tungod niini gusto napud nga pagawason sa PNP nga ang nahisgutang kantidad gahin aron ipalit og mga intelligence equipment.
Wala man gud motuo sa unang mga statement sa PNP og DILG mao nang nag-imbento na usab sila karon og laing pamahayag kay sa ilang pagtuo nga naay motuo.Bugtong proseso lamang ang kayang ilaron sa PNP og dili ang mga Pilipino gumikan kay gihusgahan na sa publiko ang Euro generals gumikan sa nagkatibolaag nilang pangatarungan human naboking ang anomaliya. Nganong makaingon ta nga anomaloso? Halata ra man gud kaayo ang inconsistency sa ilang mga pagpasabot unya naglikay pa si Dela Paz aron ba dili siya magisa sa mga senador.
Ang kuyaw ani kung kalit na lamang ma-absuwelto si Dela Paz sa nahisgutang eskandalo gumikan kay imbes nga seryuso ang PNP leadership nga silotan ang opisyal gumikan sa pagkuha og kuwarta sa organisasyon nga walay pagtugot, mura na man hinoon og nagtinabangay sila paghinlo sa pangalan sa retiradong heneral.Mao usab kini ang gikabalak-an sa pipila ka mga magbabalaud sa kongreso.
Makaduda ang gipakitang aksyon sa DILG og PNP leadership sa kaso ni Dela Paz, murag ila gyung gipanalipdan ang heneral kay kung dili nila ni atimanon, basin og mokanta na hinuon ni og daghang madamay sa PNP og lakip na sa Malakanyang. Kung magduda ta sa ilang lihok, dili ta mabasol sa, PNP gumikan kay walay klaro ang ilang mga katarungan unya nagtago pa si Dela Paz. Seguro nagtuon pa sila og lig-ong rason nga hingpit gyud nga malutsan sa opisyal ang eskandalo nga wala lamang naghatag og kaulawon dinhi mismo sa nasud kundili sa tibook kalibutan.
Bolante, mopauli nga walay tulobagon
Samtang nagkabuang na ang ubang nasud gumikan sa nasinatiang economic crunch sa Amerika nga gisundan sa Europe og Japan nga naghatag og dakong epekto sa tibook kalibutan, dinhi sa Pilipinas murag nagka-grabe ang mga scam og eskandalo nga gilambigitan sa mga opisyales sa gobyerno. Pinaka-ulahi niini ang eskandalong gihatud sa gitawag na karon nga mga “Euro generals” nga sila si retired PNP Comptrollership chief Eliseo De La Paz og mga kauban kansang grupo ang nasakpan sa Moscow airport dala ang halos 7-milyunes pesos cash nga sobra sa gitugot sa Russian immigration nga kantidad nga puwedeng dalhon sa mga langyaw.
Niadtong Huwebes gisugdan sa Senate Committee on Foreign relations ilawom sa chairmanship ni Senadora Miriam Santiago ang imbestigasyon sa “Moscow scandal” kundiin gilabhan og maayo sa senadora og uban pang mga senador sila si DILG secretary Ronaldo Puno og PNP Director General Jesus Verzosa. Si De La PAz nga wala mipatim-aw sa hearing sukwahi sa iyang gipasiatab sa iyang pag-abot sa nasud, daw mitugot nga husgahan na siya sa katawhan og sa mga senador mismo. Ang gibuhat man gud ni De la Paz nga pagtago mipasamot sa pagduda nga anomaloso gyud ang maong kantidad nga iyang bitbit sa Moscow. Daghan karon ang nag-ong-ong nga pangutana. Samtang sa pikas bahin wala pa gani nakabalik sa nasud si kanhi Agriculture Undersecretary Jocelyn ‘JocJoc’ Bolante, nagpagawas na og pamahayag ang office of the ombudsman nga dili makalaboso ang kontrobersyal nga opisyal. Kini gumikan kay wala pay kasong napasaka batok kang Bolante may kalabutan sa pagkalambigit niini sa P728-million fertilizer scam nga giingong gigamit sa kampanya ni pangulong Gloria Macapagal-Arroyo sa 2004 presidential elections. Gumikan kay wala pay napasakang kaso, wala pay mahimo nga kongkretong lakang ang gobyerno may kalabot sa mamahimong kondisyon ni Bolante sa iyang pagbalik sa Pilipinas sunod semana. Kung wala man diay mapasakang kaso ang gobyerno batok kang Bolante, dako kaayo ang posibilidad nga makalingkawas si “JocJoc’ sa gilambigitang ‘fertilizer scam’. Bugtong obligasyon lamang ni Bolante sa iyang pagbalik sa nasud mao ang pag-atubang sa senado og kamara nga seguradong mag-imbestiga sa kontrobersiya og ihatag ang kumpletong detalye sa nabulabog nga anomaliya. In aid of ligeslation lamang kutob ang senado og kamara sa mga imbestigasyon sa bisan unsang anomaliyang gilambigitan sa mga opisyales sa gobyerno. Kini maoy atong gikabalak-an nga basin og walay kapaingnan ang gipasiatab nga kaso batok kang Bolante gumikan kay wala man diay nag-andam ang gobyerno ilabina ang mga magbabalaud. Sa pamahayag ni senador Piya Cayetano nga maoy officer-in-cahrge sa senado samtang atua sa Europe si Senate president Manny Villar, klaro kaayong wala nangandam ang mga magbabalaud sama gihapon sa nahitabo kang De La Paz nga dili mahimong arestuhon sa senado taliwala sa mando ni senador Santiago gumikan kay kinahanglan pang mosubay sa mga legal processes. Sulod sa taas nga panahon, wala diay gihimo ang gobyerno sa kaso ni Bolante og karon nga bulontaryo na kining mopauli sa Pilipinas mahulog sa wala ra diay gihapon ang tanan.
Tukmang aksyon batok sa pabaya nga kapulisan, dili angayang ibalewala
Kontrobersyal og anaa karon sa “hot water” ang duha ka pulis gumikan sa pagaka-eskapo sa upat ka mga inmates gikan sa detention cell sa Sta. Ana Police Station sa Sta.Ana District, Davao City kaadlawon niadtong Domingo.Sa kumpirmasyon ni Sta.Ana police chief Senior Arnulfo Cabañog, nasayran nga wala sa police station sila PO1 Archie Celis og PO2 Rolito Valles dihang nakasibat ang mga piniriso.
Tungod sa kapabayaan sa maong mga duty police officers, nakahigayon ang mga binilanggo nga sila si Eunito Cabalida, suspek sa kasong car theft; Carlo Accompañado, nag -atubang og kasong frustrated murder; Rolando Ariola, nag-atubang og kasong robbery; ug Marvin Mag-usara, dakpan tungod sa illegal possession of firearms . Gigabas sa maong inmates ang rehas nga puthaw sa nahisgutang detention cell.
Namatikdan lamang ang nahitanong prison break sa Sta. Ana Police station dihang nakaabot ang ginsakpan sa Police patrol nga nagdala og mga dinakpan aron unta idugang og bilanggo,apan sa ilang kakurat wala na ang upat ka mga priso og wala ang duha ka pulis nga nagduty niadtong tungora.Hinuon sa pinaka-ulahing taho, nadakpan na ang pipila sa mga eskapo human sa gilusad nga pursuit operation sa kapulisan.
Angayang mopakita og political well ang liderato sa PNP-Davao pagdesiplina sa ilang kapulisan gumikan kay dakong kaulawon ang nahitabo nga prison break sa Sta. Ana police station. Taliwala sa padayong pagpahugot sa seguridad sa matag buhatan sa kapulisan, ang nahisgutang duha ka police officers ang namiya sa ilang buhatan. Dili lang basta-basta nga pag-abandona kining gibuhat nila ni PO1 Archie Celis og PO2 Rolito Valles sa ilang katungdanan nga nagkinahanglan gyud og hinanaling aksyon aron sila manubag sa aspetong administratibo.
Kining atong kapulisan usahay matingala ta kon nganong kanunay nalang malambigit sa mga kontrobersiya bisan sa padayong kampanya pagpalambo sa imahin sa PNP. Ang nasudnong kapulisan ang padayon na untang naka-rekober gikan sa ngil-ad nilang imahin gumikan sa dili maayong binuhatan sa ila ra mismong ginsakpan. Tungod sa nagkadaiyang kahiwian, gi-professionalized na karon ang PNP. Ang pagsulod sa organisasyon sa kapulisan dili sayon gumikan kay daghan kang agian nga kalisdanan gikan pa sa screening hangtud na sa trianing.
Bisan tuod dili kaayo dagko ang suweldo sa usa ka pulis, apan angayang magtinarong unta sila gumikan kay angayan silang ilhon nga atong mga tigpanalipud og bayani ning panahuna nga nagkadaiyang ang hulga sa kalinaw sa bisan asang bahin sa atong nasud. Apan unsaon nalang nila pagtuman sa ilang katungdanan kung sila mismo nga tigpatuman sa balaud malapason man usab sa balaud.
Kita nanghinaut nga dili konsintihon sa kadagkuan sa Sta.Ana Police station ingon man sa Davao City PNP ang kapalpakan sa duha nila ka sakop ngaklarong nakakumitar og abandonment sa ilang puwesto resulta nga nakalayas ang mga binilanggo. Dako gihapon ang atong pagsalig sa internal nga proseso sa PNP may kalabutan nining maong kaso
RP-Russia agreement posibleng apektado sa “Moscow scandal”
Daghan ang nabalaka nga maapektuhan ang nag-ong-ong nga kasabutan tali sa Pilipinas og Russian Federation gumikan sa eskandalong hatud sa pagka-hold sa Moscow ni kanhi PNP official Eliseo Dela Paz nga dunay dalang dakong kantidad sa kuwarta.Sa interview sa media human sa unang pagdungog sa Senate Committee on Foreign relations sa eskandalo nga gitawag og “Euro generals”, nagpadayag og kabalaka si Senador Miguel Zubiri nga dili mahinayon ang kasabutan sa Pilipinas og Russia alang sa pagtinabangay sa natad sa negosyo, seguridad og depensa , agrikultura, kampanya batok organized og transnational crime, paugnat sa kusog, siyensya og tekonolohiya, enerhiya og visa requirements ingon man legal assistance sa mga criminal matters. Mahinungdanon ang nahisgutang kasabutan aron mapakusog ang pagbinayloay og negosyo sa duha ka nasud og ang opurtunidad nga mobubo og pauhonan sa Pilipinas ang mga Ruso.Nasayran sa pagtuki nga sulod na sa lima ka tuig walay bisan gamay pamuhonan og negosyo nga gibubo ang mga Russians dinhi sa nasud. Matud ni senador Zubiri nga sayang ang potential investment sa Russian nga daghang mihaum sa atong mga panginahanglan sa Pilipinas sa lana, natural gas , power and energy. Sa natad sa negosyo ang Pilipinas nag-angkat og balor $190-million nga mga prodokto gikan sa Russia matag tuig samtang nag-export ang nasud og balor $18-million matag tuig. Pinaagi sa maong kasabutahn , dako kaayo ang posibilidad nga mas mapalambo pa ang Trade relation sa Pilipinas og Russia.
Gawas niini , posibleng maapektuhan usab sxa eskandalo sa “Euro Generals” ang tsansa ni Senadora Miriam Defensor Santiago nga mapili isip representante sa Pilipinas sa International court of Justice (ICJ). Posibleng kini maoy usa sa mga hinungdan nga nagbaga-baga sa kasuko si Santiago sa unang Senate committee hearing kagahapon kundiin wala mitunga ang kontrobersyal nga si Eliseo De La Paz hinungdan nga sila ra si DILG Secretary Ronaldo Puno og PNP Chief Director Gen. Verzosa ang gisabunan pag-ayo sa Senadora nga maoy committee chair sa komitibang midungog sa isyu.
Sa imbestigasyon kagahapon, parehong naghunaw na sila si Puno og Verzosa sa pagbit-bit sa “Euro generals” og halos P7-million sa Russia. nga wala lamang nakalapas sa administrative order ni pangulong Arroyo kabahin sa pag-travel sa mga PNP officials sa gawas sa nasud aron motambong og mga kalihukan may kalabutan sa pagpalambo sa PNP. Matud pa gani ni Senador Mar Roxas nga gilapas nila ni DILG secretary Puno og PNP Officials ang probisyon sa 2008 General Appropriations Act gumikan kay gidili sa maong probisyon sa GAA nga gastuhan sa gobyerno ang biyahe sa mga opisyal sa gobyerno nga hapit nang moretiro sa katungdanan. Basi sa maong balaud gidili gyud ang pag-pondo sa biyahe sa mga PNP o DND officials kung gikatakda na kining mag-retiro usa ka tuig human sa foreign travel, apan si De La Paz didto na naabtan sa termino sa iyang pag-retiro sa Moscow, Russia.
Kanselado una karong adlawa ang hearing sa senado kabahin sa isyu hangtud dili pa maresulta ang legalidad sa pagpasikop ni senadora Santiago kang De La Paz pinaagi sa gi-issue summon sa Sgt.at arms sa senado.
Maluoy pud mo sa mga pasahero!
Karon nga sunod-sunod na ang rollback sa presyo sa krudo og gasolina, gani kagabii subling nagpakunhod ang Big 3 og tag-piso matag litro sa diesel, gasolina og kerosene., dili pa gihapon kontento ang transport sector sa mamahimong presyo sa lana. Kini gumikan kay dako pa kuno ang kinahanglang kunhod sa presyo sa krudo nga gikinahanglan aron dili na sila matuok pa sa kamahal sa presyo sa krudo samtang hinay ang ilang kita sa pamasada. Ugmang adlawa ilabin a sa kauluhang Manila, maglusad og Caravan ang mga jeepney drivers aron isinggit sa Piston ang ilang sentemento og pag-awhag sa Shell, Caltex ug Petron nga angayan na silang mopakunhod sa ilang presyo og angayang ibalik sa 35-pesos ang matag litro sa krudo adiser pa hisgutan ang pagpakunhod usab sa minimum fare sa mga Public Utility Jeep(PUJ). Ang kanhi presyo sa matag bariles sa krudo sa world market ning milabay’mg Hulyo mitala kini sa $147-matag bariles samtang karon mikunhod na kini ngadto sa $70-matag bariles.Matud pa ni NEDA Secretary general Ralph Recto, dugang 3-pesos pa nga rollback ang angayang ipatuman sa mga kompanya sa lana aron mamahimong proportion sa kasamtangang presyuhan sa lana sa world market. Apan kung ang Bayan og ang IBON Foundation ang pasultihon, padayobn ang gihimong over-pricing sa mga Oil fimrs sa presyo sa krudo kundiin minilyon ang ilang napahimuslang ginansya nga sukwahi usab sa kanunay’ng gi-insister sa industriya. Bisan unsa pa man ang ilang argumento, angayang hatagan na og pagtagad sa transport group ang hangyo na usab sa mga pasahero nga maoy pinaka-alaut sa tanan. Niadtong kapin 35 pesos pa ang litro sa diesel ang minimum fare sa mga pampasaherong Jeep tag-6.50 hangtud 7.00 ang pamasahe og diha nga miabot og kapin 50-ang presyo matag litro sa krudo, naghigwaos ang mga transport group og tibook transport sector sa pagpangayo og usbaw sa plitihan gani, pipila ka higayon silang naglusad og transport strike aron lang tumanan sa ilang gusto. Apan karon nga hinay-hinay nang mibalik sa kanhi presyo ang lana, gahi pa sa magkuno ang baruganan sa transport sector og murag mga mayang bungol sa yango-ngo sa mga pasahero nga maoy kanunay’ng pilde kay wala gyuy laing kapasahan sa kabug-at sa kamahal sa pamasahe. Dako ang atong pagrespito sa katungod sa mga operators og drivers , apan murag iya-iyahon man pud ni sila karon. Sa ato nang gihingusgan dinhi, angayang maghiusa og magsinabtanay og magtinabangay ang mga pasahero og transport sector gumikan kay ang duha ka sektor ra gyud ang kanunay’ng maipit sa dagan sa presyo sa mga prodoktong petrolyo. Kung mosakay ka karon lagyo kaayo og gilagputan ang pamasahe. Ato lang gipanghinaut nga motuhop sa sa huna-huna og kasing-kasing sa mga operators og drivers nga dili lang sila ang dunay katungod nga mosinggit kuindili anaa ang sektor sa mga sumasakay nga nagping-it na pag-ayo sa kamahal sa pamasahe. Kanang give and take lang gud unta nga style walay lamangay.
Subscribe to:
Posts (Atom)
