David and Goliath

Human sa makakurat nga kadaugn ni Manny Pacquiao, nahimo na karong hisgutanan sa Amerika ilabina sa mga boxing writers nga angayang moadto kang Manny ang Fighter of the Year Award karong tuiga. Gitumbok sa mga observers ang tulo ka mga dagkong accomplishments sa mga away ni Pacman karong tuig sa managlahing dibisyon. Una niini ang kulba-hinam nga kontrobersyal nga rematch nila ni Juan Manuel Marquez nga misangpot sa split decision kundiin midaug na usab si Manny og nakuha ang bakanteng korona sa Ring Magazine isip junior lightweight world champion.
Niadtong Hunyo 28 misaka usab si Pacquiao sa 135 pounds sa pinaka-unang higayon og iyang gipakuratan ang tibook boxing world dihang napa-knockout sa 9th round ang kampeon sa lightweight division nga si David Diaz. Samtang niadtong Domingo atong nasaksihan ang shocking win ni Pacquiao sa 147 pounds sa welterweight division batok sa gibansagang boxing legend nga si Oscar De La Hoya aron pakaulawan kini pinaagi sa technical knockout.
Kini maoy sentro sa atensyon karon sa mga boxing writers sa Amerika gumikan kay dinhi matud pa napamatud-an nga angayang tawgon nga king of poun-for-pound sa tibook kalibutan si Pacman. Una niini, halos ilang giyam-iran ang People’s champ sa mga Pinoy gumikan kay ilang gitawag ang maong away nga “mismatch” og walay kuwenta ang alang kang Pacquiao nga “the Dream Match” og natuman lamang ang awy tungod sa kuwarta. Apan ang maong mga expectations og analysis sa mga experto sa Las Vegas nagpamatuod nga mismatch, apan dili alng kang De la Hoya kundili sa Pinoy Champion nga ilang gikakureat pag-ayo.
Nunot sa kadaugan ni Pacquiao batok kang De La Hoya, dinhi sa nasud, nagduso gilayon og resolusyon si Senador Juan Miguel Zubiri aron daygon ang gihatag nga dungog ni Manny sa nasud Pilipinhon.Matgud ni Zubiri nga angayang ilhon sa Senado si Pacquiao isip greatest Filipino boxer sa kasamtangang panahon si pacman gumikan kay nagsilbi kining inspirasyon sa katawhang Filipino. Angayan lamang ang sugyot ni Zubiri gumikan kay ang kadaugan ni Manny, siya na ang pinaka-unang Filipino og Asyano nga naka-kuha og upat ka world title sa lain-laing weight division og ika-siyam nga boksingero sa kasaysayan nga nakabaton sa maong record.
Ang gipakita ni Manny nga desiplina sa kaugalingon, ang magsilbe una nga panag-ingnan sa mga Filipino ilabina sa kabataan. Kini nagtudlo kanato nga dili diay angayang kaminusan nato ang usa ka tawo gumikan kay bisan kinsa kanato ang walay katungod mohusga sa atong isi’g kaingon. sa Makausa pa, gipamatud-an ni Manny nga wlay higante nga makapuling gumikan kay kasagaran ang gamay’ng butang mao gyud ang makapuling kanato, kini nagpasabot nga bisan unsa ka kalig-on kung puno ka sa kumpiyansa, dili malikayan nga mao kini ang mopaghagba kanimo.