Namat-an nga kagutom naandan na sa kadaghanan

Nalipay ang Malakanyang sa pinaka-ulahing hunger survey sa Social Weather Station (SWS) human mikunhod ang ihap sa mga gigutom nga mga Pilipino sa kasamtangan. Apan daghan ang dili kontento sa nahisgutang survey ilabina ang opposition bloc. Matud ni Senate minority floor leader Aquilino ‘Nene’ Pimentel Jr., wala kunoy bag-o sa gidaghanon sa mga gigutom bisan og nakunhoran kini og pipila ka porsiento gumikan kay daghan pang nagpakilimos og walay trabaho. Sa pinaka ulahing survey sa Social Weather Station (SWS), gibana-banang 9.4 million ka mga Pilipino ang gigutom og dili makakaon og tulo ka beses matag adlaw. Mas ubos ang maong resulta kumpara sa resulta sa susamang survey sa second quarter ning tuiga. Gikan sa 5% sa milabay’ng 2nd quarter, mikunhod kini sa 52% sa 3rd quarter, basi sa SWS survey nga gihimo sukad sa septiyembre 24 hangtud 27. Migawas pa nga P10,000 matag bulan ang gikinahanglang kita sa usa ka padre de pamilya s klauluhan aron iyang mapakaon og tarong ang iyang mga anak og matubag ang simple mga panginahanglan sa matag miyembro sa pamilya og dili usab layo sa P6,000 hangtud P10,000 nga kita ang gikinahanglan sa pipila ka bahin sa nasud. Bisan og mikunhod og pito ka puntos kumpara sa 10.6 million ka mga pamilya ang gigutom sa 2nd quarter ning tuiga, dili gihapon kini igo nga development aron magmaya ang taga Gobyerno.Ang survey nagpakita lamang sa kakulang gihapon sa gipatumang mga palisiya sa gobyerno diha sa mga programang poverty alleviation program sa kagamhanan. Kung dili lang unta sagulan og hugaw nga dula ang pagpadagan sa mga programa sa gobyerno ilabina sa budget, igo na unta kining makatubag sa panginahanglan sa mga kabus nga Pilipino. Ang pagkaon diha sa matag lamesa sa matag pamilyang Pilipino, usa sa mga nang-unang gikinahanglan ni bisan kinsang tawo. Kung usa sa tulo ka kan-anan sa usa ka adlaw ang mawala diha sa lamesa, dako na kini nga kawad-on ug unsa na kaha kung sa us ka adlaw naglisud ang ubang pamilya paghatag sa ilang mga kabataan. Sukad pa sa unang kapanahunan gituok ang kadaghanang Pinoy sa kapubrihon ug pipila na lamang ka administrasyon ang nanglabay apan hangtud karon walay kasulbaran ang maong problema. Kini nagpasabot nga hangtud karon dili gyud epektibo ang mga palisiyang gisubay sa gobyerno dugangan p sa grabeng korapsyon og kahaguka sa population programs hinungdan nga wala gyuy kapaingnan ang nasud kung ang mga Pilipino dili magtinabangay. Mamahimo natong sugdan ang kausaban pinaagi seguro sa pagpili nato sa mga bag-ong pangalan og personalidad panahon sa eleksyon kanang maingon nato nga walay bahid sa trapo nga klase sa mga pulitiko ilabina diha sa kongreso total naa na may atong mga balaud daan. Gani nanubra na ning atong mga balaud nga ang uban gipang agop-opan nalang ug wala gyud napatuman.