Usahay dili ta angayang mo-rebantar dayon matag higayon nga nganlan og ikumpara ang mga Filipino sa usa ka hayop . Sa unag panahon gitawag sa Amerika nga mga unggoy, tungod sa mga batasan nga gipakita sa mga Filipino. Karong bag-o, sama sa pipila ka dapit sa Japan nga gidi-an ang mga Filipino og Iro kundiin nagpasabot lamang nga nahisama lang diay ang mga Pinoy og ang usa ka iro. Karong bag-o didto sa Macau, gi-abog na ang mga Pinoy aron mamutos na og mopauli na sa Pilipinas. Gani makita sa mga sign nga ilang gipang-post nag-awhag sa mga Macau-based Pinoys pagpauli na sa Pinas, nagtumbok kanila isip mga “dogs” and “Pigs”. Bisan tuod makasakit kini sa atong kultura isip mga Filipino, usahay dili nato mapugngan og mabasol ang mga foreigners, bisan kadtong mas wierdo pa og batasan sa hayop, nga ila tang ilhon og ihulagway sama sa iro o kaha baboy. Kung atong tan-awon pag-ayo, murag dunay kamatuoran ang huna-huna sa mga langyaw kanato. Kini gumikan kay daghang mga kinaiya nga sama sa iro nga atong gipakita, ilabina sa atong mga opisyal sa gobyerno.By nature, ang mga iro usa ka matang sa mananap nga loyal, sama sa mga Filipinos. Bisan kadtong nagdaug-daug kanato, misipa og nangluwa pa sa atong dagway, sa gihapon pabilin tang loyal. Sama sa iro, mopahiyom og malipayon gihapon tang mokiway-kiway sa ikog, matag higayon nga atong ikatagbo ang usa ka kongresista, senador, mayor og uban pang opisyal sa gobyerno bisan nakasayud ta nga binilyun ka pesos ang ilang gikawat gikan kanato, gani dili mawala sa atong mga baba ang pagtawag kanila og halangdong mayor, halangdong congressman, halangdong pangulo, halangdong konsehal og uban pa. Naandan sa iro ang pagkaon sa mga salin og gilabay na nga pagkaon sa ilang amo. Mao pud tang mga Pinoy. Malipay na dayon ta kung moingon ang LTFRB nga kunhuran og 50-sentabos ang plitihan. Malipayon ta sa balita nga segurado na matud pang mokunhod hangtud 35-pesos ang presyo sa matag litro sa petrolyo bisan sayud ta nga mas ubos pa niini ang angayang ipatuman nga pump prices sa mga kompanya sa lana. Kung unsay isulti sa atong mga opisyal nga mao nay nahimo hinuon natong agalon imbes nga sila ang atong mga ulipon, aw sama sa iro nga modoko og mogiway-giway sa ikog isip pagtahud. Now, baboy ba ta? Baboy gyud kung atong tan-awon. ang mga baboy mokaon , og mohigda sa kaugalingon niyang ihi og hugaw. sama sa baboy okey lang kanato nga magtan-aw nga gipuy-an ang atong kongreso sa mga “has-been”, mga karaan og recycled na nga mga politiko. Proud na dayon ta matag higayon nga atong makita ang atong batan-on nga kongresista nga maisugon og dunay tingog nga mobarug diha sa hawanan sa kamara bisan sayud ta nga gikan siya sa mga trapong pamilya nga og sa manok pa mao nay ilang blood line hinungdan nga segurado nang mohimo kung unsa man ang kanhi binuhatan sa ilang kaliwatan nga unang nang “nangawat” este nad-serbisyo sa gobyerno. Daghan ang nagsinggit nga supak sa term extension ilabina sa presidente, apan wala gani ta misinggit sa matag destrito,probensya, siyudad og mga lungsod, nga gikan pa sa ilang mga apohan mao nay nagdumala og hangtud nalang sa mga apo, wa gihapoy asenso ang lugar. Kung duna may naasenso mao ra ang ilang bulsa. Naay uban diha nga sa pagkalingkud isip kongresista, usa ray sakyanan halos gubaon pa, apan pagpangatungdanan sulod sa pipila ka termino, nanaghan na ang mga luxury cars, nindot na kaayo og mansion og daghang checks nga gibuhi, unya minilyon pa og pilde sa derby nga dili man unta dagko og sweldo ang mga anaa sa maong posisyon. Hinuon dagko man og Pork Barrel plus naa pay mga 20-porsiento sa matag proyekto, so dili gyud ikatingala. Ang atong kinaiya ra gihapong mga Filipino maoy naghatag kanato og dautang dungog alang sa ubang nasud. Of Course dili man tanan, pero madamay man gud ta sa kabulastugan sa uban.
No comments:
Post a Comment