Testimonya ni Bolante sa Senado gi-rewind lang sa Kamara

Subling gipamugos ni kanhi agriculture Undersecretary Jocelyn "joc-joc" Bolante nga walay anomaliya sa paggamit sa P728 million nga fertilizer fund og sama sa nahitabo sa unang round sa Senate probe sa anomaliya, daw gihinloan ni Bolante gikan sa tulubagon ang mga kongresista, gobernador og mga mayor sa iskandalo ssa iyang pag-atubang kagahapon sa imbestigasyon sa Kamara de Representantes.
Sa pagdungog sa House committee on agriculture and food nga gipangunahan ni Palawan Representative Abraham Mitra, giklaro ni Bolante sa iyang opening statement nga wala matud pa’y nahitabong fertilizer fund scam."The fund was released to the project implementers upon the advice of the project proponents. Not a single centavo was released to the congressmen, governors, or mayors," "There is no fertilizer fund scam. The fund in issue is not a fund solely for fertilizer, but rather, it is a fund for farm inputs and farm implements. The farm inputs and farm implements are part of the banner programs of the DA (Department of Agriculture) such as the Rice and Corn and the High Value Commercial Crops (HVCC)," mao kini mga tipik sa giluwatang statements ni Bolante atubangan sa mga senador.Una nang gilibre ni Bolante sa Senate investigation si pangulong Arroyo.
Kung mao man lang gihapon nga walay mapuga nga kasayuran gikan kang Bolante bisan unsaon pa pagbali-bali sa mga senador og mga kongresista pagpangutana kaniya, mas mayo seguro nga undangon na nang nilang walay pulos nga imbestigasyon. Mura naman hinuon og nagpasikat lang ning atong mga magbabalaud. Sa akong tan-aw dili gyud ni mosuka si Bolante bisan pa og pabuthan og kanyon, kay gawas nga nakapangandam ni pag-ayo og maayo gyud kaayo ang pagka-plano sa iyang depensa, sayud usab si Bolante nga walay laing mahimo ang ang mga magbabalaud gawas sa paghimo og rekomendasyonog pagmugna og balaud nga motukma sa susamang mga kontrobersiya sa umalabot pang kapanahunan. Hinuon importante usab ang Senate investigation ilabina nga ang mga senador ang pinal nga motuki og mo-apruba sa nasudnong budget kundiin dunay alocation matag tuig ang matag ahensya sa kagamhanan. Apan sa dagan sa kasamtangang imbestigasyon sa duha ka balay balauranan , migawas nga walay dag-anan ang mga magbabalaud sa denial king.
Mas maayo nga ang Commission on Audit(COA) og umbudsman na ang molihok kung naa man ugaling criminal nga mga liabilities si Bolante. Angayan usab nga gukdon sa hingtungdang ahensya ang mga kongresistang nakabenepisyo sa fertilizer fund niadtong 2004. Kung atong basihan ang Commission on Audit(COA) report, nakalatid nga naka-benepisyo sa nahisgutang pondo ang 105 ka mga kongresista (kundiin ang 34 sa maong gidaghanon ang kasamtangan pang nangatungdanan), samtang 49 usab ka mga gobernador ang naa sa listahan lakip na ang 26 ka mga mayor.
Ang imbestigasyon kagahapon sa kamara, gipahimuslan lamang sa mga kongresistang nalambigit sa kontrobersiya ang higayon aron limpyohan ang ilang pangalan. Ang gilaumang pabuthon nga bomba, ang gi-ibtan na sa mga kongresistang kaalyado sa administrasyon og pabilo aron dili na makabuto, apan nagdagkot og fireworks aron sila mosikat ilabina nga nagkaduol na ang eleksyon.
Tama na....igo na....kasuhan na ang angayang kasuhan sa maong kontrobersiya. Bisan og daw gipatay na sa mga magbabalaud ang isyu, apan ang katawhang Filipino ang nagpabiling init sa pagpangita sa hustisya og kaangayan ang duha ka pundasyon sa "supposed democracy" sa Pilipinas.