Bakbakan sa impeachment

Karon pa lamang nangandam na ang mga magbabalaud nga nag-endorso sa lain na usab nga impeachment complaint batok kang pangulong Gloria Macapagal Arroyo alang sa gilauman nga grabe og init nga bakbakan sa impeachment proceddings sugod sa martes sa ubos balay balauranan sa kongreso. Una nang nagpadayag og paglaum si Bayan muna party-list representantive Teddy Casiño kinsa usa sa pito ka mga indorsers sa reklamo, nga aprubahan gilayon sa House committee on Justice ang "sufficiency" in form" sa reklamo.
Gawas kang Casiño, mibarog usab isip mga endorser sa impeachment siola si Bayan Muna partyt-list Representative Satur Ocampo, Gabriela party-list Reps. Liza Maza og Luzviminda Ilagan, Anakpawis party-list Rep. Rafael Mariano, Bukidnon Rep. Teofisto Guingona ingon man si Pangasinan Rep. Jose de Venecia Jr. Ang sufficiency in substance maoy debatihan sa mga kongresista ilabina nga kadaghanan kanila mga kaalyado ni pangulong Arroyo. Mo-presentar og mga ebedensya ang mga mibarog nga complainant sa impeachment. Dinhi nga punto magdebate ang mga magbabalaud sa ubos balay balaoranan kung angayang dawaton ang mga ebedensya sa graft and corruption, betrayal of public trust og uban pang mga akusasyon. Mahinumduman nga una nang giklaro sa Malakanyang nga ang mga ebedensyang gi-andam sa mga endorser sa bag-ong impeachmeng recycled kon mao ra gihapon sa mga ebedensyang giduso sa milabay’ng indorsement sa reklamo.
Pero nanghingusog man gyud ang mga reklamante, atong tan-awon ang mamahimong dagan niini kung makapasar ba sa unang round ang impeachment o kaha mamatay lamang usab sa iyang natural death sama sa kanhing reklamo. manghinaut nalang ta nga wala mamahimong cover-up sa mga kaalyado sa presidente.
Ambot kaha ang publiko og ganahan o ma-excite paba sa kaso nga impeachment? sa administrasyon ni pangulong Arroyo, daghan na kayong impeachment ang gi-file sa kongreso, apan dili gyud ni magsilbe. Murag kapoy naman kao huna-hunaon nang impeachment oi! ang atong mahimo ani maghulat og magmabinantayon og segurohon nga tininuod og dili lang ni pasikat sa mga magbabalaud ang mahitabo gumikan kay hapit na pud raba ang eleksyon sa 2010. Naa pa man unta’y daghang butang nga angayang hatagan og prayuridad sa atong mga magbabalaud ilabina nga nag-ong-ong ang dakong epekto sa Global financial crisis,gani duna nay mga OFW nga nawad-an og trabaho sa Australia, Amerika og uban pang nasud sa kalibutan og gikatakdang mamauli na dinhi sa nasud.