Here we go again!

Daw nahibalik ang imahen nga ‘wild, wild west’ sa Mindanao gumikan sa gihimong pagdagit sa gituhuang mga sakop sa grupong Abu Sayyaf sa mga sakop sa International Committee of the Red Cross (ICRC) sa Sulu. Ning panahon sa krisis, dugang kadaut sa imahen sa Pilipinas ang nahitabong kidnapping ning milabay’ng semana nga gilangkuban sa mga biktimang sila si Andreas Notter-usa ka Swiss national og Eugenio Vagni usa ka Italian national ingon man ang pinay nga si Engr. Marie Jean Lacaba nga taga-Davao.
Sa gihimong tigum sa Regional Development Council og Autonomous Region in Muslim Mindanao, wala natago ni Senador og Philippine National Red Cross chairman Richard Gordon ang dako niyang kadismaya sa bag-ong hitabo nga subling nagduot pa sa imahen sa Pilipinas ilabina sa Mindanao ngadto sa mata sa International community. Matud sa opisyal nga makasubo nga huna-huna-on nga hangtud karon wala nabag-o ang imahen sa Mindanao nga ‘wild, wild west’ taliwala sa mga paningkamot sa gobyerno og nagkadaiyang sektor nga matabangan ang rehiyon.
Tungod sa mga dili maayong hitabo sa Mindanao, nahimong negatibo ang impresyon sa mga langyaw’ng nasud og mga turista sa tibook Pilipinas. Sukad pa sa una ang mga hitabo sa mga pagpamomba og ang pinaka-ulahi ang pagkadagit sa mga miyembro sa Red Cross. Ang maong mga hitabo nagpakita lamang nga walay gipili ang mga bandido gumikan kay bisan ang mga sakop sa humanitarian missionaries nahimo nilang biktima .Gani ning milabay’ng tuig, mismong taga-Media partikular ang ABS-CBN news Team pagpanguna ni Ces Oreña Drilon ang nahimo usab nga bihag sa mga bandido sa Sulu. Mindanao has gained a negative reputation in the international media as the country’s ‘Wild, Wild West’ due to the continued spate of kidnappings, sporadic bombings, and the poor peace and order situation.
Ning milabay’ng adlaw si senador Francis Pangilinan nanawagan sa MILF nga motabang sa gobyerno pagpuhag sa mga bandidong Abu Sayyaf, apan giklaro ni Khaled Musa, deputy chairman sa MILF Committee on information nga mismong gobyerno ra gihapon ang mabasol sa nagpadayong kidnapping sa Mindanao. Hangtud walay konkreto og makinasudnong lakang ang gobyerno aron tuldokan na ang kagubot sa Mindanao, wala tay malauman nga kalinaw sa Isla.
We cannot put this criminal activity to rest completely, beacause the unjust, oppressive and exploitative system prevailing in this country breeds this kidnapping and other evils of society. Sakit kini nga kamatuoran , apan mao ni atong nakita nga ugat-hinungdan sa atong problema sa Mindanao nga bunga ra usab sa kahakog og ka-mapahismulanon sa pipila ka opisyal sa atong gobyerno sukad pa sa unang panahon.
Mao nang kitang taga-Mindanao dili na angayang maghulat pa og lihok sa nasudnong gobyerno aron mapatuman ang dugay nang gidamgo nga kahapsay og kalinaw sa atong Isla nga gibansagang “Land of Promise kaniadto nga hangtud karon nagpabiling saad og damgo nga wala pay katumanan.Atong gi-aghat ang tanan ilabina ang mga opisyales sa Mindanao nga mohimo og kaugalingong diskarte aron makatabang sa peace process.We should define what Mindanao is and assert ourselves as a people. Manila is never going to solve it for us. It is never going to be a solution. Mindanao should be self-sufficient.