Vested interest

Nangalisbo na ang mga hingihong nga gikonsulta karon sa mga nanghingusog sa Charter Change si Pangulong Gloria Macapagal-Arroyo kung unsa nga paagi ang buot niining gamiton sa pag-amendar sa Konstitusyon kung kini ba pinaagi sa constituent assembly (Con-Ass) o kaha Constitutional Convention (Con-con).
Alayon niini nanawagan ang pipila ka mga senador sa kagamhanan nga ibasura na lamang ang maong tinguha og mas hatagan og dakong pagtagad ang pagpangita og sulosyon sa mga giatubang natong mga problema sa naud ilabina ang hinay-hinay nang nasinatiang epekto sa Global financial crisis. Gipamugos ni Senadora Loren Legarda nga self serving sa bahin sa kagamhanan ang pagpamugos nga mapatuman ang Cha-cha kung ang tumong lamang niini mao ang pagpalugway sa termino ni pangulong Arroyo og uban pang elective officials. Gipaneguro ni Legarda nga mamahimong dead on the water ang padulngan sa Cha-cha kung makaabot man ugaling kini sa Senado. samtang nabalaka si Senate President Juan President Juan Ponce-Enrile sa dakong galastuhon sa gobyerno kung mapahigayon gyud ang Constitutional convention (Con-con) iosip paagi sa himoong amenda sa Batakang balaud sa nasud human sa termino ni Pangulong Arroyo.
Matud pa ni Enrile, bisan og maayo kini nga paagi pero dili kini praktikal og wala matud pay kongresista nga mosugot nga ang iyang karibal sa iyang distrito ang mapili isip Con-con delegate. Gipamugos pa ni Enrile nga kung matigayon ang Con-con seguradong mga kabanay ra gihapon sa mga kongresista ang molingkos isip delegado tungod kay mao na kini naandan nga sistema sa pulitika sa nasud.
Sakto gyud kaayo si Senate President Enrile sa iyang pangagpas nga mauli gihapon sa tradisyunal nga sistema sa gitinguhang kabag-ohan pinaagi sa pag-amenda sa pipila ka probisyon sa konstitusyon. Ibutang lang nato nga dili kabanay sa usa ka kongresista ang mapili isip delegado sa iyang distrito sa Con-con, pero klaro na kaayong naa lang sila sa minorya. Ang bisan unsa mang pag-usab sa probisyon sa batakang balaud nagkinahanglan gihapon og igong gidaghanon sa mga miyembro sa Constitutional convention aron kini mapatuman, so buot pasabot nga dili gyud mawala gihapon ang numbers game diha sa proseso. Now, unsa may atong mapaabot unya gikan sa maong con-con?ayaw ko’g ingna nga makatugot ang mga political kingpin og mga dagkong political dynasty nga ilang kaatbang sa mismo nila distrito ang ilang ipadala sa Con-con? sounds imposible kaayo na! Gawas pa, seguradong dili kaayo masabtan sa mga delegado sa Con-con ang atong kunstitusyon og mas delikado na hinuon nga magubot na hinuon ang atong batakang balud.Tungod niini mas maayong itugyan na lamag sa atong mga magbabalaud ang pag-usab sa konstitusyon gumikan kay sila ang mas nasayud sa mga balaud og dagan sa pulitika sa nasud. Pero dili kalikayan nga mas dako ang ilang mga vested interest kumpara sa interes sa kinabag-an.
Suma total , wala gihapon ni kapuslanan! Mas maayong usbon man god sa atong nasud mao ang kinaiya og dili ang sistema. Kamaayo sa atong sistema sa gobyerno ang nakaparat ang mga tigpatuman kay murag mga buayang gutom.Bisan unsaon pa na pag-usab ang batakang balaud nato kung walay kabag-ohan sa mga nagdala sa renda sa gobyerno, wala gihapon ni kapuslanan kay ang paingnan mao ra gyud gihapon ang kaugalingong interes.