Unemployment

Walay lain natong mahimo gawas sa pagsubo gumikan kay daghanan sa mga migrant workers gikan sa Pilipinas ang nag-atubang usab sa krisis gumikan sa hulga nga mawad-an og high-paying jobs sunod tuig ilabina ang mga OFWs nga nagtrabaho s mga industrilized og developing countries nga unang naigo sa kuto-kuto sa kumo sa global economic crisis. Ang Pilipinas maoy usa sa mga nag-unang exporters og mga masaligan og highly-trained manpower sa tibook kalibutan. Ang maong sitwasyon usa ka dautang balita og angayang ika-alarma gumikan kay pabiling nagsalig ang gobyerno sa Pilipinas sa bilyones dolyares nga gipadala sa libuang mga OFWs ngadto sa tagsa-tagsa nila ka kabanay dinhi sa Pilipinas, nga maoy naghatag og pako aron padayong makalupad ang dagan sa ekonomiya sa Pilipinas. Kung ang linibong mga OFWs sa Europe, Estados Unidos og uban pang bahin sa kalibutan nga mas apektado sa global financial turmoil ang mawad-an og trabaho pinaagi sa retrainchment seguradong labad kini sa ulo sa kagamhanan gumikan kay kung mopauli sila dinhi sa nasud, wala usab silay makuhang trabaho, gani labaw pang problemado ang labor sector sa Pilipinas nga gipuy-an sa dul-an 90-milyunes ka mga Pinoy kundiin ubay-ubay sa maong gidaghanon ang mga unemployed og underemployed nga gilangkuban sa mga nurses, teachers, midwives og matag tuig dunay bag-ong mga gradwar sa kolihiyo. Kagahapon duna kunoy good news si Pangulong Gloria Macapagal-Arroyo sa iyang pagbiyahe sa Qatar gumikan kay buksan sa maong nasud ang employment opputunities alang sa mga OFWs. 37,000 ka mga trabaho ang naghulat sa mga OFWs sa Qatar sa natad sa industriya sa lana, construction og uban pang industrial job openings. Hinuon murag lamang ang mga Pinoy sa maong mga trabaho tungod kay daghan man sa mga Pinoy ang skilled workers. Dako tuod ning tabang ilabina karon nga nag-atubang ta sa krisis sa ekonomiya, apan dili pa kini igo aron matubag ang nag-ong-ong nga problema. Tungod niini gikinahanglan sa tanang sektor sa katilingban ilabina sa mga opisyal sa gobyerno ang paghiusa og pagpangita og dinaliang job placements alang sa mga OFWs nga mawad-an og trabaho sa gwas sa nasud. Angayang ihikling una ang mga political motives og differences sa mga pulitiko and come togehter as one sa paningkamot alang sa pagbutang og depensa sa epekto sa global crisis.